Taddart n Tigrin tezga-d deg tɣiwant n Buǧlil deg lwilaya n Bgayet. Taddart-agi tesɛa sser, tecbaḥ dayen kan. Yiwen wass, nerzef ɣer din, nesaqsa kra n yimezdaɣ, garasen imɣaren. Aṭaṣ iɣ d ḥkan ɣef umezruy n taddart-agi. Nnan-d belli yella yiwen lemaqam ibɛed azal n 10 ikilumiṭren ɣef taddart-agi, anda yemṭel yiwen n lwali iwumi ssawalen Sidi Mesɛud. Ɣef akken iɣ d ḥkan, lwali-agi « yussa-d seg tama n Aḥnif deg lwilaya n tubirett tura, sin neɣ krad n leqrun aya. Argaz-agi yella d-abudali. Asmi i d yiwweḍ ɣer Tigrin, imezdaɣ ttaken-as učči d wayen yeḥwaǧ. Wagi yella deg lxelwa, iɛebbed illu. Asmi qrib ad yemmet, iweṣṣa imezdaɣ n Tigrin at meṭlen deg yiwen wemkan yessewḥacen aṭaṣ. Asmi yemmut, imezdaɣ xedmen akken isen-d yenna: Meṭlen-t gar sin yissafen, anda yessewḥac. ». Nekni akka, n ruḥ alarmi d lemqam-agi n Sidi Mesɛud, ssuɛfen-aɣ sin n yimezdaɣ n Tigrin alarmi d dinna! Daqes i nedda ass-nni ! D yiwen memkan akken yexla, tella ḥaca taqubett n lwali-agi anda yemṭel. Tayedwa, azimba lakked d yissekilen n uzemmur zzin-d ɣef umkan-agi. Yenna-d yiwen degsen: »Seg asmi it meṭlen dagi, medden uɣalen ttẓurun-t akken ad dɛun. Xedmen zzerdat, ɛɛarḍen-d tuddar, lakked d yiɛissawiyen (Tariqa n lɛissawiya) akken ad ǧedben. Tilawin sewwayen-t din seksu d weksum.Llan kra n yirgazen znuzun din laḥlawat i warrac. Lḥaṣul yiwet n t’meɣra…! » akka id yenna Lbacir yiwen umezdaɣ n Tigrin. Aṭaṣ n t’mucuha id ḥekku-n At Tigrin ɣef lwali-agi, ɣef wumi id qaren belli yesɛa « lmuɛǧizat ». Ɣef akken iɣ d ḥka yiwwet n temɣart qrib yeslemden lqern: »Sidi Mesɛud yesɛa lburhan. Mti qquren-t tiliwa, ulac aman, ulac lahwa, n ttruḥu ɣer lemqam n lwali akken aneḍleb aman d lahwa. Lukan att-ẓẓer-ḍ ur neṭṭixir ara syen alarma tebda lahwa tekkat s lgehd, issafen ttaččaren d-aman! » ɣef akken i ɣ d nna xalti Ǧuher yumnen s lburhan n Sidi Mesɛud. D’da Laxḍer yenna-d si tama-ines: » Zerda taneggarut i nexdem dagi deg taddart n Tigrin deg aseggas n 1993. Asmi i yebda rebrab medden ugaden ad ṣuben ɣer laxla, yuɣ lḥal ičumar g inyan ḥarmen anect-a ɣef medden. Din qessam nsen ! ».Akka ihi lɛada-agi tuɣal teɣli deg t’metti n Tigrin. Ula d yimezdaɣ ur ttgallan ara s yissem n Sidi Mesɛud am zik nni!
Syphax.Y