I tikelt tis snat deg useggas-agi aγurbiz, 2014/2015, i mlalen yiselmaden imunan, wid i d-yewwin, yakan, akayaḍ-nni n uselmed n yal aswir (amenzu, alemmas d tesnawit) u n yal tanga. Mlalen deg ussan-agi n yimuras, seg 23 armi 30 deg duğember 2014 deg uγerbaz alemmas ‘’Derder Said’’ n temdint n Tizi Uzzu. Gar yimunan-a, ad naf azal n 70 n yiselmaden n tmaziγt. Tikelt iεeddan iselmaden-a xedmen tannant-nsen di lwilaya n Bgayet ayen yeğğan kra deg-sen ur ttruḥen, akken i aγ-d-nnan. Ma γef wayen yeεnan ahil n usileγ-a, tenna-d H.F, yiwet gar yimunan : ‘’nelmed-d aṭas n tγawsiwin ara aγ-iεiwnen deg uγerbaz, ladγa nekni s yijdiden-agi ; nwala timsal i d-icudden γer useddi n tneγrit, izerfan-nneγ d wid n yinelmaden, assaγ gar twacult n leqraya. Am wakken i d-tella tannant-a, d taswiεt anda i nbeddel tiktiwin akked yiselmaden i d-nemmuger.’’ Ma γef yimuras i fkan d asfel, tkemmel tenna- :’’ussan imezwura, ẓẓayit ciṭ, acu kan syin mi nemyusan, nexleq-d tawacult gar-ane&gamma,; tessufsusi leεtab-nni.’’ Nessaram, wwin tarzeft s wayes ara qablen inelmaden deg uγerbaz acku aṭas deg-sen i yesεan uguren deg uselmed-nsen…ladγa, deg tarrayt n uselmed.
Hocine.M