Accueil Tamazight Yennayer ameggaz !

Yennayer ameggaz !

5017

Zik, amur ameqqran n yimdanen, snen kan d acu i d imensi n yennayer imi i t-ttmagaren s seksu d uyaziḍ deg yixxamen-nsen. Ass-a, nekni s yinelmaden, nessen d acu i d yennayer, neẓra d acu-t imi i t-nelmed d tamsirt deg uγerbaz : neẓra d akken d ixf n useggas γer Yimaziγen ; mačči kan deg Lezzayer maca deg tefriqt n ugafa. Neẓra d yiwen wansay γef wacu sseḥbibiren Leqbayel. Asfugel n yennayer yettili-d ass n 12 janvier n yal aseggas di yal tamnaṭ n tmurt n Lezzayer : seg usamar γer umalu, seg unẓul γer ugafa. Tgen deg-s seksu n bu 7 n yisufar, neγ 7 n tgelliwin, ttṣeṭṭilin i warrac imecṭaḥ, zellun ayaziḍ d asfel acku At zik qqaren :’’anda uzlen yidammen, ur yettili lhemm.’’
Nelmed d akken yennayer ğğan-aγ-t-id yimezwura-nneγ deg tmetti aṭas n leqrun-ya. Imensi n yennayer d ansay iẓeṭṭen assaγen gar yimdanen imi d tagnit anda i ttemlilin iεeggalen n yal tawacult.
Ass-a, yennayer yekcem deg tfada (calendrier) i d-yesnulfa Ugraw n Yimaziγen i yellan di Fransa deg yiseggasen-nni n 1970.
Ihi, yennayer ameggas 2965, yal aseggas ad ken-d-yettaf di talwit.
Agraw n yinelmaden : Abdellah, Nihed, Faïza, Fatima d Massi.