Accueil Tamazight Lyes Salem : ‘’Ulamek ur d-teddu ara tmurt n leqbayel deg usaru...

Lyes Salem : ‘’Ulamek ur d-teddu ara tmurt n leqbayel deg usaru ‘’El Wahrani !’’

2108
- PUBLICITÉ -

Ass-nni n letnayen iεeddan, 26 deg yennayer, i d-iεedda usaru ‘’El Wahrani’’ n Lyes Salem di ‘’La cinémathèque’’ n temdint n Tizi Uzzu anda i d-yella umeslay deg taggara n usaru akked Lyes Salem d wid yurar deg-s γef teγzi  n snat n tsaεtin. Asaru yurar seg 26 ar 31 deg yennayer-agi deg-i nella. Aṭas n yimdanen i d-yusan ad t-walin : ama d ilmeẓyen d tlemẓiyen neγ tiwaculin, zyada γef yiselmaden d yinelmaden n tesdawit. 

- PUBLICITÉ -

Akka, dγa, i yezmer umdan ad yesεu tikti d tmuγli γef usaru-agi mi ara t-iwali. Yezmer ad yesεu tikti γef wayen yeğğan kra n yimdanen ad wwten deg usaru-agi mebla ma walan-t, ladγa At ṭṭlam. Win yuran asaru-agi, yessers-d γer unnar timsal qerriḥit : timsal-nni yesdergen tidet ; asemγer n ccan ur nelli ; tuffγa γef yiswi n lgirra …atg.  

Timsal i d-yerra s annar, d timsal yefγen γef lqaleb-nni n tannumi, am temsalt n tmagit (l’identité), taεrabt akked ddin…D anect-a i yeğğan At ṭṭlam, ladγa wid-ak ifettin deg tilibizyu ad d-smiren ssem-nsen γef usaru-a. Asaru i d-yeqqaren d akken imjuhad ur nnuγen ara i Rebbi neγ γef ddin, meεna nnuγen γef tlelli n Lezzayer , lgirra n tlelli mačči d lgirra n lislam. Am wakken i sḥasfen γef taεrabt, deg usaru-a, imi tettuḥettem γef tmetti i wakken kan ad d-snulfun tamagit-nniḍen u ad ğğen tamagit tazzayrit. Akka, dγa, ara naf yiwen n usteqsi n Farid deg usaru anda i asen-yenna i yimeddukal-is :’’yemma ur tessin la taεrabt wala taṛumit, d acu-tt, ihi ? D tamsalt-a, dγa, i as-d-yewwin lmut.

 Di taggara n usaru, yella-d umeslay akked Lyes Salem anda i d-yerra γef yisteqsiyen. Γef crab i tessen yimjuhad, yenna-d :’’  tamsalt-a d sebba kan i tt-id-ufan. Ayen yellan yella. Ulac anwa ur neẓri d akken llan wid itessen. Meεna ilaq nutni tissit s tuffra. Yerna ur d-nniγ ara Izzayriyen neγ imjuhad akken akken llan tessen !’’  

Ma γef wawalen iqebḥen deg usaru yenna-d :’’ma tili tugdi akked zzεef, allaγ iberru-d kan i wawalen.’’ Γef wanect-a, dγa, i as-yenna yiwen d akken ur nezmir ara ad t-nwali akked twacult-nneγ. Lyes Salem yerra-as-d :’’yal yiwen ad t-iwali weḥd-s, anda yella wugur ?’’ Ma γef tmagit, yenna-d umseḍru n’’El Wahrani’’ : ‘’ulamek ad d-nemmeslay γef tmagit mebla tamurt n leqbayel. Ulamek ur d-teddu ara tmurt n leqbayel deg usaru ‘’El Wahrani’’. Aṭas i yesḥassef γef wazal ur tefki tmurt i tutlayin-nniḍen ayen yeğğan ilmeẓyen n tura, γef leḥsab-is, ur zmiren ara ad d-hedren kan s yiwet n tmeslayt.

     Hocine.M

- PUBLICITÉ -