n Murad Irnaten
“Di lǧerra-k ay awal…” d amud n tullisin n Murad Irnaten d-yefɣen ussan-a ɣer tezrigin Achab.
Atan cwiṭ deg wayen yuran deg usebtar aneggaru :
“Tira d tala yettaken aman I tara n ccfawat i waken ad tegmu. Aya d ayen n wala di tmettiyin ibeddent ɣef idelsan-nsent, tutlayin-nsent, d umezruy-nsent yettqadaren imyura-nsent, anida akken yal adlis yeḥrez amur si ccfawat, yal awal yeqqel i bab-is d ayla . Yal t ira d tirmit, d rreḍma n tudert i tutlayt. D tudert s unamek-ines ubriz, alqayan, ahrawan. Yal asekkil yella d aẓru amenzu i wawal yesrus umyaru ɣef lkaɣeḍ, yettfuki, yettnerni am waken yettfuki uɛeqqa n yirden di teɣzut yerẓa lmaɛun i tikkelt tamezwarut.
Yal tira tettak inzi ɣer tiɣwist-nni tamenzut swayes d-ikeččem umdan ɣer tudert. Yal awal d taẓunẓut , d aẓar i wejgagal n usenlfu”