Segmi i d-tella ilindi teẓrigt-ines tamenzut, tebda tettekcam deg wallaɣen tikti n usmel-a (forum) am wansay amaynut deg dduḥ n Udrar n Fad. Ɣef waya ihi, yesres-d taggara-ya uselway n tɣiwant n Ayt Smaɛel ulɣu ideg i yesneɣmes iɣermanen, ed tdukkliwin ladɣa, dakken asmel-a ara d-yettwassudsen s twizi gar tɣiwant-a iɣef nettmeslay akked umussu-yis asdukklan, ad yili ass n 28 ed 29 deg wayyur-a n ɣuct. Iswan i yettwaneyycen ilmend n warmud-a ṭṭuqtent, gar-asen amciwer gar tdukkliwin n tɣiwant ɣef kra n tlufa, tallelt i tid i d-yettnekkaren.
Yelha ayendin mi d-ttilint tektiwin-a n ttiɛadat-a, maca ad igerrez ugar lemmer ad yettwagem ddeqs n ubaɣur seg-sen, daɣen, ad yettwassemras deg teɣzi uqeddic n tdukkli, n twizi, gar tdukkliwin n taddart merra. Dɣa, am tegnit n yilindi, tturaǧun yisaragen, aṭas n tigawin ed umbaddal n tektiwin deg uxxam n yilemẓiyen.
D ameslay ɣef wamek ad ilin, ed ad wennɛen warmuden n tdukkliwin i inuḥen deg taddart, qeddcent deg waṭas n taɣulin: ama d tidukkliwin tidelsanin, tinmettiyin, tinaddalin, tid n twennaḍt neɣ d tiyaḍ. Ilmend n waya, llant-d sɣur uselway n tɣiwant tnubgiwin i wwḍent i yakk iselwayen n tdukkliwin n temnaḍt imi mgarawen snat n tikkal ar tura. Deg ttiɛad-a wis-sin, yelha ma yessarem yiwen ad d-ffɣen yigmaḍ d wid yelhan ugar ɣef ɣuct n yilindi, ara d-ineǧǧɛen daɣen iɣallen n kra n tdukkliwin i yeddurin taggara-ya ɣef tmentilt-a (sebba) neɣ ɣef waṭas. Acimi ihi i yewwi-d afares n temlilit ideg tidukkla yettferrsen tezmer ad tesken s tirmit-is i tbujadt-nni. Ula d imezdaɣ, war ahat, xilla seg-sen i ur neẓri acḥal gedged i tesɛa tɣiwant-nsen d tidukkla, aniɛad d anti-tent !. «Simmal yettmagga usmel-a simmal nettwali lebɣi ɣur yilemẓiyen akken ad kecmen deg umussu asdukklan. Dɣa, aseggas-a nnulfant-d rebɛa n tdukkliwin d timaynutin ɣur-neɣ. Nessaram kan ad yili sey-a ɣer sdat ugar n umciwer ed umɛiwen gar-asent». I aɣ-d-yenna uselway n tɣiwant n Ayt Smaɛel mass Ɛebdun Nasir.
Mhenni Xalifi