D tidet, imukan n umerreḥ d usɛddi n wakud xuṣen aṭaṣ deg temdint n yimceddalen. Maca, llan kra n yimukan, d-acu kan xuṣen deg kra n ttawilat. Ad nebder medya n wurti « Ɛaskri Akli » i qublen ṣbiṭar n yimceddalen « Yaḥya Kasi ». Urti-agi, neɣ tamazirt (jardin) wessiɛ-it, yelha yettawi aṭaṣ n yemdanen. D-acu kan iruḥ degs-ent, akken qqaren medden. Yerwi. Yettuɣal kan ɣer deffir yeqqar mazal. Lukan kan ad gren iffasen-nsen imḍebren n tɣiwant, ahat zemren at reqɛen, ad yeṣlaḥ aṭaṣ i yimezdaɣ n Mceddala, yagi i warrac anda ad uraren. Urti-agi n « Ɛaskri Akli » tella degs tafuwwart d-acu kan terrez, ulac degs aman. Teqqim akken d-amdun amectuḥ. Isekla xuṣṣen bezzaf. Kra kan yellan rran-d tili ɣef kra n yimdanen yettɣimin din. Amkan-agi ulac degs ikersiyen. Imdanen, neɣ ilemziyen i kečmen ɣer tɣimin ɣef ukerṭun f lqaɛa akkit ! ulac ya ɛaǧaba ula d-akersi anda ad yessers amdan azagur-is ! Yella daɣen deg urti-agi imukan n turart mebla…tawil n turart ! Isegassen-nni iɛeddan, llan akkeni kra n tawilat n turart deg urti-agi, maca ur neẓri ara s-anida iten rran ?(anwa?). Ulayɣer ad nebder rṣaḍ d yiḍuman « yessan » deg tɣerɣert n wurti-agi. Tiqarɛatin n blastik, tidak n lbira d crab (bṣaḥt-hum ur nelli ara mgal tissit !) xedmen tirac sya u sya, dagi dihin ! Win yeswan kan, neɣ yečča deg wurti-agi, ad yeǧǧ kulec din, ama d-učči neɣ d-iqarɛunen. Ulac tigzi, ulac laqder. Aɛh, yeqdaɣ ayen neẓra akka deg wurti-agi n mcedalla, awah ay adnaw at reqɛen ad yuɣal amzun d tamazirt yeččuren d lward. Ay at laɛrad, ur nefhim ara tigert, imi imḍebren tɣiwant kren ad bnun yiwen n wurti nniḍen deg temdint-agi n mcedalla. Urti-agi mazal-it deg weḥric n lebni, ur kfin ara lecɣal degs. Yezga-d s kra n lmitrat kan ɣef tassenawit Ben Badis. Yaɛni, iwacu kan ur ttreqiɛen ara urti n « Ɛaskri Akli » i d-yezgan zdat n ṣbiṭar, akken ad cuḥen i tedrimt n wurti amaynut, sawyes ad xedmen asenfar nniḍen?
Syphax.Y.