Accueil Tamazight Taddart n lḥemmam tettidir seg uɣbel ɣer wayeḍ

Tubiret : Taddart n lḥemmam tettidir seg uɣbel ɣer wayeḍ

8090
- PUBLICITÉ -

Taddart n lḥemmam i yetabaԑen ɣer tɣiwant n at raced id-yezgan deg usammer n lwilayt n tubiret d yiwet n taddart yettwasnen s wakal-is yelhan i tfellaḥt imi imezdaɣ n taddart-a xeddmen tafellaḥt ,ɣas akka tettwasen s wannect-a yella wayen ixusen deg-s dayen iccuden ɣer lexsas n wallalen n tudert imi tettidir s waṭas iɣublan seg uɣbel ɣer wayeḍ , ɛlaḥsab iɣublan id-wekden imezdaɣ i uɣmis n yimaziɣen akken aɣbel ameqqran iten-icuɣben d tazeqqa n tujjya ( udawwi) imi ur sԑin ara anda ara d awwin imi tazeqqa yellan teɣlaq tiwwura-is azal n 10 yiseggasen-aya ar ass-a d wussan mazal-i-tt teɣlaq dayen yeǧǧan imezdaɣ n taddart-a ttafend iman nsen yesefk fell-asen ad ruḥen ɣer temnaḍin nniḍen iten- iqerben, imi ttruḥun ama d taɣiwant leqser iwakken ad sifsen liḥala ɣef umuḍin, si tama nniḍen wekden-d akken ayen yettnernin di leɛtab nsen lexsas n wallalen n usiwed dayen iweɛren ɣef twaculin ur yesɛin ara tikkeṛṛusin ilaq fell-asen kkeru n tkkeṛṛusin seg taddart nsen alami d sbiṭṭar n leqser s suma yettawḍen ɣer 500, 600 idinaren , ayaggi ur yeḥbis ara kan da imi aɣbel n lekwaɣeḍ yettkemmil ɣef yimezdaɣ iwakken ad d-yexdem yiwen lkaɣeḍ n leɛqed neɣ leԑmer neɣ ayen nniden ilaq ad iruḥ alami d taɣiwant n at raced , gar iɣublan nniḍen aman n tissit imi ttruḥen yal ass ,lgaz n temdint, ur sɛin ara annar n waddal ideg ara yuraren yilmeẓyen rnu ɣur-s tazeqqa n yidles, lexsas n trisiti n yiberdan i yeǧǧan tugdi ad teɣli fell-asen ladɣa deg ussan n tegrest , ula d inelmaden si tama nsen sḥisfen ɣef lmeḥna ideg llan imi rwan ula d nutni leԑtab sebba n lexsas n wallalen d lebɛed n tkubaniyin anda qqaren ladɣa wid yeqqaren berra n taddart ama d wid yettruḥen ama d tasnawit n leqser neɣ tasnawit at raced, llan daɣen wid yeqqren deg uɣerbaz alemmas i yellan deg assif n lexmis imi beɛden s waṭas ɣef taddart ttefɣen seg yixxamen tafejrit ur d-ttuɣalen alami d lxemsa n tmeddit, ayaggi akk d iɣublan iten-yettmagaren d wuguren iten-yeṭṭafaren yal ass di tudert nsen ,ɣef waya imezdaɣ n taddart nnan-d akken taddart nsen tettwaɛzel ,ɣer taggra imezdaɣ ssaramen seg yimḍebren n tɣiwant akken ad rren lwelha nsen ɣef liḥala ideg ttidiren s yiṣenfaren unegmu i lfayda n yimezdaɣ i yettwaɣen si yal tama d tifrat s lɛejlan am wayen yeԑnan tazeqqa n tujjya ,iwakken ad asen -sneqsen lmerta d lmeḥna iten-ixenqen.

- PUBLICITÉ -

Menas Abdelhak

- PUBLICITÉ -