Accueil Tamazight Tala n jeddi Aɛrab deg Wat Bumehdi

At Wasif : Tala n jeddi Aɛrab deg Wat Bumehdi

3511
- PUBLICITÉ -

Mi sliɣ i yisem-agi i as-fkan i tala-a ḍsiɣ mačči d kra, nniɣ-as: ziɣ leqbayel-agi tsemmin kan! Acimi ur as-semman ara tala n texlijt imi deg-s i d-tella, neɣ tala n ddwa imi aṭas n medden i tesseḥla s waman-is iḥlawanen, neɣ axir maḍi tala n zher imi qqaren-d aṭas n tlawin d yirgazen i wumi teldi tewwurt n zwaj neɣ n dderya ?

- PUBLICITÉ -

D acu mi stebtbeɣ tawwurt n yiwet n temɣart iyi-d-yemmeslayen yakan fell-as, tulles-iyi-d tadyant-is d lbaḍna n yisem-is, nniɣ-as ziɣ leqbayel-agi ur ttsemmin ara kan aka! dɣa rriɣ-tt ɣef yiccer n lkaɣeḍ, meɛna ass-a bɣiɣ ad awen-tt-id aruɣ i kunwi ay imeɣriyen n uɣmis-nneɣ: deg texlijt-nni n At bumehdi, di tallit n unebdu, jeddi aɛrab uyeḥya, yiwen n lwali yettwassnen s lbaraka-s yewwi-d ifellaḥen akken ad as-kerzen akal-is.

Ḥulfan ifellaḥen s fad yurez-iten dɣa ssutren deg-s ad asen-d-yawi aman, yenna-asen: alit d asawen-inna ad tafem aman. Ulin d asawen, nudan armi d ayen ɛyan ur ufin ara, s yin subben-d ar ɣur-s nnan-as : *a jeddi aɛrab ur nufi ara, yerna aql-aɣ teqqur tyersi-nneɣ si fad*. yewhem jeddi aɛrab s yin yenna-asen: “qqimet da,ad aliɣ ad waliɣ amek akka ulac aman», yuli cwiṭ d asawen ,yeffer ger tzemrin, syin yewwet s tɛekkazt-is di tmurt, feggḍen-d waman, yessawel-d i yifellaḥen akken ad alin d asawen.Mi ulin,wehmen imi din ǧǧan ulac aman, nnan-as: “tagi si tidak-ik!” . Swan aman armi rwan dɣa ḥebsen tayerza,bnan-as yiwet n texxamt i mazal ar ass-a.

S.dali

- PUBLICITÉ -