Ilmend n tmeγra n tεacurt, id-yellan ass n ssebt 24 deg aggur ideg nella, deqs n tmesbaniyin d leqdicat yemgaraden id-ittewheggan γef dema di temnaḍin yemxalafen n tmurt n leqbayel. Dγa imezdaγ n taddert n Ṣwama&epsilon,; taγiwant n Ṣwamaε id-yezgan deg usamer n lwilaya n Tizi-Wezzu, sudsen-d yiwet n tmecreṭ meqren s wazal-is, ass n lğemεa 23 tuber yezrin, i yellan d yiwen wansay ger wansayen n tmurt n leqbayel s wayes ẓeṭṭen tagmat d tiddukli ger yemdanen. Γas zrin acḥal n yiseggasen, imezdaγ n taddert n Ṣwamaε mazal ṭfen deg laεwayed d wansayen id-warten γef lejdud-nsen imezwura, anda i ttgen timesbaniyin icuban timecreṭ-agi yal seggas akken ad-ẓẓun cfawat deg allaγen n tisutiwin id-iteddun, imi ayen id-ğğan lejdud d agerruj ur nettfaka. Tasebḥit n wass n lğemεa 23 tuber 2015, tella-d tmezla n 08 n yezgaren γef tikkelt, annect-a yella-d s leḥdur n yimezdaγ n taddert sumata akked inebgawen d ttweliyin-nsen id-yusan si temnaḍin yemgaraden n tmurt. Ansay-agi yelḥa-d di tsuta γer tayeḍ, anda timecṛeṭ xedmentt yemdanen di laεwacar am tεacurt akken ad-sfarḥen imeγban yenxeṣen, d usaεdel ger yemdanen, u tettili-d daγen d lfal yelhan swayes ttḍeggiren ayen n diri.I usmekti kan, timecreṭtettili-d tikwal di tallit n unebdu, lawan n tmegra akken ad-tilli lγella, tikwal niḍen tettili-d di laxrif, deg aggur n tuber, lawan n ḥartadem naγ iwjiben, melmi id-yeweḍ lawan n tyarza akken ad-temγi ṣaba.Timecreṭ-agi n taddert n Ṣwamaε tella-d s lewεadi n imezdaγ n taddert, swayes ṣawḍen uγen-d 08 n yezgaren i yemezlen, syen yella-d beṭṭu n yikesman γef twaculin n tadderet. Timecreṭ-agi d tagnit yelhan aṭas i imezdaγ n taddert n Ṣwama&epsilon,; imi d ass i yessemlalen tasa d way turew, d usekcem n lfarḥ γer wulawen n yemdanen mera.
Islam Bessaci