Accueil Tamazight Mazal aṭṭan n sida d ucenna di tmurt-nneɣ

Leqbayel ass-a : Mazal aṭṭan n sida d ucenna di tmurt-nneɣ

9918
- PUBLICITÉ -

D lewhayem! mazal ar ass-a timetti-nneɣ tettwali aṭṭan-agi n sida d ucenna neɣ d aṭabu ɣas ulamma aṭṭanen i merra tettmeslay fell-asen, ula d aṭṭan-nni n lkunsir tekkes-as awal-nni: ad aɣ-yenju rebbi yenju lmumnin! yettɣid win ara ihelken di tmurt-nneɣ ,imi si tazwara iban kan ad yettuxeṭṭi ama sɣur medden ama sɣur-s, waya ad t-ncudd qbala ar nekkni ur nezri tidet n waṭṭan-a n abribus n VIH i yuɣalen ass-a seg waṭṭanen yezgan s dwawi d-snulfant tmura yeddan d wamek yettanṭaḍ imi nekkni ɣur-neɣ ma nemmeslay d win ihelken ad aɣ-yenṭeḍ,ma neḍsa-as ad aɣ-yenṭeḍ?dɣa ma nemsalam yid-s tenger fell-aɣ, Xaṭi!abirus n VIH yettanṭad s tuzzuft (sexualité ),s tsegnatin-nni yettwasnen deg uksum n win yuḍnen,ula ljerḥ amectuḥ yezmer ad as-yili d tawwurt i ubirus-a ma yemlal yid-s war ma nettu tyemmat t-issenṭaḍen i mmi-s ama di tadist neɣ s usuṭṭeḍ. Deg useggas n 2014 iban-d wazal n36,9 n yimelyan n wid ihelken sida maca mačči d leḥsab iseḥḥan imi aṭas n wid iteffren leḥlak-nsen, Dɣa ma nesteqsa acimi? tiririt tban kan imi s yes i d-nebda ameslay d acu kan imi nekkni nettwali ala s yir tiṭ , mi nesla s walbaɛd ihlek neqqar-as yekcem iberdan -nni n yir tuzzuft war ma nezra d acu n sebba s tidet imi yezmer ad tili d ayen nniḍen s wakka nettkemmil i taluft am wakken i as-yettkemmil win yuḍnen imi sida ur d-yettban ara s amdan arma f kant 7 ar 10 n yiseggasen d asawen bexlaf ccirat-nni timeẓyanin ur nettawi lewhi ɣur-s d ayen ara t-yeǧǧen ad yezzuzur deg ubirus -agi. D acu kan ayen yessewhamen imnadiyen d tamurt-a tageswaḥt tineslemt akk d tid i tt-icuban anda tuzzuft d leḥram ma teffeɣ i lɛada n zwaj meɛna mazal yettnerni sida deg-s! u acimi ur d-tettili ara tikci n yiḥaraben (préservatifs ) baṭel am wakken xeddment tmura irebḥen? i wakken ad nessenɣes talilit n waṭṭan-agi icudden deg ugar 80% n tikkwal ar tuzzuft.

- PUBLICITÉ -

Salima.D

- PUBLICITÉ -