Yennayer d awal yebḍa ɣef sin yen : d yiwen neɣ amezwaru , d ayer :d aggur, anamek –is amezwaru n useggas .Yennayer d tiwwura n useggas llan wid i as-yeqqaren ixef n useggas d ansay tesfugul Tefriqt n ugafa d acu asfugel-is yal tamnaḍt amek i tesfugul , ttqabalen-t s tumert acku ansay-agi n yimaziɣen d asmekti n ugellid Cacnaq asmi yeɣḍel imnamaren-is , deg-s ttmektayen-t-id akken ur tettun ansi d-frurin yimaziɣen . Ass n yennayer iɣelli-d ass n 12 deg ( janvier ) , sewwayen tagella swayes ttwasnen leqbayel seksu , zellun iyuzaḍ qqaren s yidim ad yeffeɣ lhem,sewwayen berkukes ,acebbaḍ , aheddur, tiɣrifin, d waṭas n tẓidanin, d ass anida d-ttemlilin i eggalen n twacult ɣer yiwet ṭerbut , ma llan wid iɣaben ad d-seddun tijeɣlin-nsen deg tbaqit d azamul n tdukkli d tegmat , Yella wanida tteṭṭilen i warrac imecṭah acku agrud am useklu mi tferseḍ ad yexlef , ma d tullas timecṭaḥ tturarent s t elğetin tislit n unẓar ; ad naf daɣen ɣer yicawiyin ass-nni n yennayer ad d-ferḍen lkanun ad arren inyen amaynut d azamul n tugti n lɣella, anamek –is ad terbeḥ tfellaḥt ad sewwen ɣef yinyen-nni tagella yifen tin i eddan.tella daɣen yiwet n tsirit (legende) n yennayen ttalsen-d belli ass aneggaru n yennayer teksa yiwet temɣart taɣaḍt-is tenna-as : «teẓk a emmi yennayer teffɣeḍ ur texdimeḍ acemma !!» , yennayer amek yexdem akken ad d-yerr ttar-is ,iruḥ ɣer furar yenna-as : «ttxil-k a emmi furar , rḍel-iyi yiwwas d nhar ad d-rreɣ ttar n be za m l» furar yerḍel yiwen wass i yennayer dɣa ter tebreq ,tagnawt tenhewal , adfel d sixṭṭa dɣa tamɣart d taɣaḍt-is mmutent ɣef waya ass aneggaru n yennayen qqaren-as amerḍil ( l’emprunté),qqaren-d daɣen mi ara yekcem yennayer keččmen wussan n tafat teffɣen wussan n ṭṭlam.Yennayer lbenna-s zik ilaq ur nettağğa ara ansay-agi , ad naf deg Tizi wezzu mazal ṭṭfen deg-s sfugulent ama deg uxxam n yidles n Lmulud At M emmer d tameɣra tameqqrant, ad naf daɣen deg kra n yiɣerbazen ttawin-d yinelmaden tigelliwin yemgaraden d-sewwent tyemmatin –nsen , xeddmen timsikent n yisenfaren uran , ttlusunt tullas tiqendyar n leqbayel, iseggasen i eddan xeddmen akagi deg uɣerbaz n L erbi Mezzani n wat yanni, aseggas-a ad xedmen akka deg uɣerbaz n Tact n Rğawna deg Tizi wezzu,ɣer taggara ad nini aseggas ameggaz 2966 i yimuḍan yellan deg sbiṭarat, i yime der, i twacult tanaẓurt, iwumi ɣlint tgejda , i yimaziɣen ur nettu ara leṣel-nsen.
Zakia Ben yahia