Accueil Tamazight Tamettant n umesnulfu n e-mail, Ray Tomlinson

Tamettant n umesnulfu n e-mail, Ray Tomlinson

1780
- PUBLICITÉ -

WASHINGTON – Amsenselkim amarikani, Ray Tomlinson, amesnulfu n e-mail, yemmut, i d-yura ɣef usebter n Facebook akked win n Twitter Vinton Cerf, amesnulfu ucrik n TCP/IP rnu ɣer-s, ass-a d anmazul n uselway deg Google. Ilul deg useggas n 1941, yewwi-d agerdas-is seg tesdawit mechuren n MIT (Massachusetts Institute of Technology) Asudu n tesnatwilt n Massachusetts, Ray Tomlinson yura izen-is n e-mail amezwaru deg umezruy deg useggas 1971. Iɣnew-d ahil i yes-s yessaweḍ ad yazen iznan-is mi yella yettmahal ɣef Arpanet, d aẓeṭṭa, yettwaɛezlen i yinagmayen akked yiserdasen, d anagraw-a i d-yurwen Internet. D netta i umi d-tusa tekti n usekkil @ akken ad yebḍu gar tmagit n umdan akked uẓeṭṭa iɣer yeqqen. ‘’Seg yimezwura deg wayen yerzan tasnatwilt, Ray d argaz i iɣewnen e-mail deg tazwara-nni ideg d-nnulfan yiselkimen yeqqnen’’, i d-yesseɣru umsemhel-is, taṛmist tamarikanit n temḥaddit Raytheon, deg yiwen n ulɣu. ‘’Amahil-is ibeddel tamuɣli n teɣwalt deg umḍal, ɣas akken d anǧaḥ ameqqran, maca ur syuli ara s aqerru, ur yettzuxxu ur icuḥ i yiman-is, yeǧǧa-yaɣ-d ilem d ameqqran’’, i yerna yenna-d Raytheon. Ɣef ublug-is, Ray Tomlinson yura-d akk amezruy n uɣnaw n @, akken ur yettanef i tenfust ad teṭṭef amḍiq n umezruy. ‘’e-mail amezwaru i yuznen gar sin iselkimen i yellan wa sdat wa’’, qqnen s Arpanet, i d-yessegzi. ‘’Izen amezwaru d win akken iɣef ur nezmir ad necfu ɣef waya i t-ttuɣ, i yerna yenna-d. ‘’Yezmer ad yili akka QWERTYUIOP (isekkilen imezwura n unasiw anglizi) neɣ ahat d ayen icuban s aya…’’. ‘’Ur ttamnet ayen akk i teɣɣarem deg web. Mmektit-d kan, d imdanen i yellan deffir yisebtar-a, imdanen tecḍen’’, i d-iweṣṣa.

- PUBLICITÉ -

APS

- PUBLICITÉ -