Ssuturen ilmeẓyen n tɣiwant at leqsar di lwilaya n tubiret aseggem n temkerḍit ixerben acḥal ayagi imi tella teldi azal n 2 iseggan tuɣal teɣlaq dayen yeǧǧan arrac n taddart četkayen yal tikelt ameԑna ulac win id -yerran i teɣri nsen acku ttafend iman nsen ulac akk anda ara lemden ladɣa imi id -qerreb ikayaden yemxalafen ama d BAC , BEM , ladɣa inelmaden n ukayad n taggara BAC axaṭar ttnejmaԑen qqaren d tirebbuyaԑ gar-asen akken ad mԑawanen d acu kan ayagi ur d-yelli ara ttafen uguren aṭas , am wakken tamkerḍit -a tella tesԑa akk ttawilat ama d tiktabin, neɣ d tizeɣwa n tɣuri s yin akkin tuɣal texreb akk tuɣal ur tesԑin walu ayagi ktar n 2 iseggasen ar ass-a d wussan mazal di yir liḥala , ɣef waya sḥasfen ilmeẓyen n tama-agi ɣef yimḍebren n tɣiwant imi ur tt qeԑden ara d annect-agi iten-yeǧǧan ttuɣun i wid-teԑna temsalt akken ad d-rren lwelha nsen ɣef weɣbel-a s useggem-ines deg ussan-agi meḥsub ssuturen tifrat s lԑejlan .
