Iwekded umaray amatu n usqamu unnig n timmuzɣ si el hachemi assad ass lexmis iɛeddan si paris d akken asqamu unnig yesewjed akk ttawilat ilaqen iwakken ad tennerni tutlayt n tmaziɣt am netta am tutlayin nniḍen ad telḥu ɣer zadt di tmurt lezzayer , assad ilmend n tyerza it -yewwin ɣer uɣerbaz agraɣlan lezzayer di paris yenna-d akken axeddim meqqren i yettrajun imawlan n warrac ad welhen arraw nsen d uḥeses n warrac akken ad lemden tamaziɣt d ufus lemɛiwna d tikci akk allalen i teḥwaǧ tutlayt n tyemmat d uselmed-is di tegnatin igerrzen di tmurt lezzayer , yenna-d daɣen lwilayat nniḍen ad illint di ttiɛad deg uselmed n tmaziɣt seg useggas ajdid id- i teddun meḥsub aseggas aɣurbiz (2016-2017) anda ara tilli deg yiɣerbazen am tbessa , tinduf , milla d usejhed- ines akken ad yili uselmed-is s tuget di fransa , am wakken id -yenna ɣef lxetyar n leqraya n tmaziɣt deg uɣarbaz azzayri ad yeqqim d ugur meqqren . imḍebar amezwaru deg usqamu yenna-d belli akka tura yettilid uxeddim s lmendad n tesqamut gar usqamu unnig n timmuzɣa akked tneɣlaft n ttrebga ɣef wayen yeɛnan aqeɛed lqanun deg uwellah aɣurbiz iwakken ad kssen lxetyar n tutlayt -a deg uɣerbaz meḥsub d almud agejdan yesefk ɣef warrac lakul ad tlemden , ayagi ad yili s uxeddim d ttawilat ilaqen , si el hachemi assad ilmend n tyerza-a it-yewwin ɣer fransa yemeslayed ɣef wahil i yettheggi usqamu unnig n timmuzɣa ad yeselmed tamaziɣt i yemdanen imeqqranen wid yebɣan ad issinen tutlayt-agi s lemɛiwna n tiddukla ( iqraa ) , ma yella ɣef tyerza it -yewwin ɣer fransa ayagi tella-d s uceyaɛ lemɛiwna n tneɣlaft ttrebga taɣenawt i yetabaɛen deg ahil uselmed n tmaziɣt di lezzayer d fransa di tkubanit uselmed d yidles n tyemmat ( Ilco-lezzayer ) d uɣerbaz agraɣlan lezzayer di paris d tikubaniyin iḍefren ɣer tneɣlaft n ttrebga , ɛlaḥsab imeslayen umaray amatu lecɣal-agi bdan seg useggas n 2014 lumur leḥun ɣer zdat di snat tkubaniyin-agi , si tama nniḍen asqamu unnig n timmuzɣa tezmar ad tesejhed aselmed n tutlayt seg unerni iselmaden n tmaziɣt d ukewen nsen ixeddem usqamu unnig . asqamu unnig n timmuzɣa ihegga-d 24 ttiɛad ukewen i lfayda iselmaden n tmaziɣt , am wakken id-yenna si el hachemi assad akken rwaḥ-is ɣer fransa ad yemlal d imusnawen neɣ wid iqedcen di tutlayt-agi iwakken ad as-jehden d tmerna n tmusniwin ilaqen deg uselmed n tmaziɣt.
Menas Abdelhak