Yuzzel wawal, yeṭṭuqqet uqejjem, ɣas azeṭṭa n facebook yettwarhen s umeslay ɣef…snat n tgejda n yidles amaziɣ. Idir d Lounis At Menguellat uɣalen d llazuq deg yimi n kra n yimdanen. S tidet, yal yiwen yesɛa azref ad d-yini ayen i yettxemmim maca llant kra n tilas ur ilaq ara umdan ad tent-yaweḍ. Ma nuɣal-d ɣer uẓar n taluft ad d-nesmekti dakken Idir d Lounis ttunecden ɣer yiwet n temlilit i d-tessewjed l’ONDA anda ara ḥeḍren i usenger n nnig n umelyun n yisiditen yettwaxedɛen. Deg ugraw-a, ttekkin kra n yineɣlafen ɣef uqerru-nsen Abdelmalek Sellal i d-yewwin awal dɣa ɣef taluft-a n tukerḍa yebɣan ad teqḍeɛ aɣrum i waṭas n yinaẓuren deg yiḥricen yemxallafen. Asmi kan i d-banen sin n yimdanen-a deg tiliẓri, yekker wah ruḥu…Ilaq ad nesselmed i Idir amek i ixeddem udabu, daɣ i Lunis amek ara yeddu. Kra n yimeslayen qerriḥit, ččuren d ddɣel d leḥqed i neqqar ar ass-a di Facebook. Cwiṭ n sswab maḍi maḍi ! Iḍelli kan I d-ssawlen yimḍebbren-a i Lounis iwakken ad yettekki di tfaska n Qsenṭina yerra-asen:” ur zmireɣ ad iliɣ i twiɣa yecban ti. Lukan i d-tennam belli Qsenṭina d tamaneɣt n yidles azzayri ad qebleɣ, imi i as-tefkam udem n tmanaɣt taɛrabt ur ttiliɣ gar-awen.” Anida-ten
D ayen i yeǧǧan Idir yenna-d deg umaṭṭaf n rradyu taɣelnawt dakken” tagi d timlilit ideg ara d-nḥelli azref n unaẓur. Nella-d di lmendad I l’ONDA
imi d abrid n swab, ma d ayen nniḍen yal wa ad tt-yessefru akken I wala.”
wigi yessiɣzifen iles zdat tidet yecban ta ? Imi ass-a iruḥ yeḥḍer deg wanda ara d-yawi azref i unaẓur, ur ilaq ara. Ɣef leḥsab n waya, inaẓuren-nneɣ, s ya d afella, mi bɣan ad xedmen kra ilaq ad d-ciwren, ma ulac terwi fell-asen. Ttuḥermen seg tlelli, tura ad ten-ssedduy am “yirubuten”. Seg tama nniḍen, ayadra yella wass ideg i nesla i sin yimdanen-a ad d-ḍebbren fell-aɣ ma ad neddu d tama n ufella neɣ d tin n wadda ? Yella wass ideg i nnan ttekkit di tefranin neɣ ala ? Yeɛreq swab i tifin ! D ayen i yeǧǧan Idir yenna-d deg umaṭṭaf n rradyu taɣelnawt dakken” tagi d timlilit ideg ara d-nḥelli azref n unaẓur. Nella-d di lmendad i l’ONDA imi d abrid n swab, ma d ayen nniḍen yal wa ad tt-yessefru akken i wala.” Yeḥsa ad d-yeḍru yid-s waya. “Tenna-as a taqabact tḍurreḍ-iyi, tenna-as afus seg-m.” Ma d Lounis, ɣas akken yerra-d akka s yiwet n tririt tuḥdiqt, meɛna yewhem kan yeqqar : «waqila mazal ur d-tufrar ara fell-aɣ tafat.” Ma neɛreḍ ad nesɣerbel imeslayen-a n Lunis, inumak mačči ḥala yiwen ara d-nemmager. Amezruy lqayen ibeggen-d dakken kra mi ara d-teḍru twaɣit d Uqbayli, tiyita tekka-d seg…gma-s. Yak yenna-s ucennay Zedek deg yiwet seg tezlatin-is:” a tiyita iyi-ḍurren mi d-tekkiḍ seg win ḥemleɣ.” D acu kan, ashissef meqqren di tizi n wass-a, d tiyita deg watmaten-nneɣ s leqsiḥ yerna nessutur tadukli. “Qeḍran ma yezwar s imi, tament ma teggra iwumi !” I as-yenna winna n zman.
Radhia. B