Accueil Tamazight Taggara n waggur n Remḍan deg Tizi wezzu

Taggara n waggur n Remḍan deg Tizi wezzu

1572
- PUBLICITÉ -

Akken ara yedden ccix , mi ṛzan lmeɣreb , imir tiwaculin ad bdunt ad d-teffɣent. Llant tid yettruhun ɣer tzeqqa n tmeɣriwin d yidles, am uxxam n yidles Mulud at Mɛemmer, neɣ ɣer tḥuna i wakken ad d-aɣen ayen bɣan neɣ ad qimen akken ad ččen ayen semḍen, acku deg uzal ttuẓumen yerna yeḥma lḥal abeɛda ussan-agi ineggura n yunyu. Tizi Uezzu, deg uḍan n remḍan tecbeḥ dayen izaden. Ayen i as-yernan sser, d arrac imecṭaḥ , yetturaren, ferḥen s waṭas. Ad naf amekkkan n’’la gare’’ taqdimt i rran d amekkan n wurar i warrac imecṭaḥ d zhu d uqesser n yimawlan-nsen , tettacar dayen kan : tekksen ɛeggu n remḍan, tettemlili tasa d wayen turew. Yella, daɣen, umekkan-niḍen i d-yezgan nnig lwilaya, ‘’jardin public’’, yal amḍiq yeččur, ula deg ubrid d imeyyaten n lɣaci i ileḥḥun, ama ɣef uḍar ama s tkeryas. Aya, mačči kan deg temdint n Tizi Uzzu , ula deg uẓeffun anda yal tameddit tettli-d tmeɣra n ucennay. Akka, dɣa, ddurt yezrin, yecna, din, Djiilali Ḥamama, ddurt-agi yecna Ali Ferḥati, ma deg uxxam n yidles Mulud At Mɛemmer, yecna Ali Amrane, ass-nni n 28 deg yunyu. Uqbel-is, yecna Ali Meziane d Nouaara. Dayen yesferḥen lɣaci. Deg taggara-a n remḍan , ttfarasen ugar n wussan imezwura : yella wanida xeddmen ṭṭḥara i warrac imecṭaḥ, yella wanida ten-sddukkulen ass n 27 seg remdan. Ma d tilawin, ttaɣent-d isufar akken ad sewwent lgaṭu, ttaɣen-d i warrac imecṭaḥ iselsa imaynuten akked yililucen i lɛid. Akka, yettfakka Remdan s tumert, igerri-d usirem. Rnu ɣer waya, llan wid yeṭṭfen deg leɛwayed n tjaddit : ttheggin-d lqeḍyan i twelliyin ; llan wid yettruḥun deg wass n lɛid neɣ sabeḥ lɛid. Acu kan, seg tama-nniḍen, yettili-d laɛwacer d taswiɛt n leḥzen ɣer yigujilen d tgujilin, ɣer wid-nni i d-yettmektin wid-nni i ten-yeǧǧan. Aken yebɣu yili, nesaram lɛid amerbuḥ i wid ur nettu ara tiwaculin-nsen d yimuḍan d yimeɛdar, Tizi Uzzu gazr tid i ixeddmen tazmert-is akken ad tessefreḥ imuḍan , igellilen, imeɛder, ula d lberrani i d-yusan ɣur-s, sɛan amur-nsen.

- PUBLICITÉ -

Zakia Ben yahia

- PUBLICITÉ -