Accueil Tamazight Tizi Uzzu deg umḍiq amezwaru s 65, 23%

Igemmaḍ n ukayad n BAC

Tizi Uzzu deg umḍiq amezwaru s 65, 23%

1812

Ass n ttlata (ahad) yezrin i d-banen igemmaḍ n ukayad n taggara n uswir n tesnawit (BAC) n useggas aɣurbiz 2015-2016. Alaḥsab n tenmehla n usegmi n lwilaya n Tizi Uzzu, azal n 16215 i ijerden iman-nsen deg umuɣen (la liste) n usεeddi n ukayad-a, acu kan ala 16040 deg-sen I t-yesεeddan.

Leḥsab n wid i t-i d-yewwin yelḥaq 10463, s lqidar n 65, 23%, s wakka i d-tḥella amkan amezwaru deg umsizwer deg wakal aɣelnaw. Ma amḍiq amenzu n umsizwer n yinelmaden deg lwilaya n Tizi Uzzu, yuɣal i tnelmadt Tuẓari Maya, yeqqaren deg teska n tussna (scientifique) deg tesnawit n Deḥmani Muḥemd n Buɣni, s tneqiṭ n 18, 82. Ma amḍiq wis sin, tḥara-t-id tnelmadt Tajir Amina, yeqqaren deg teska n tusnakt (mathématiques) n tesnawit Fetḥi Saεid n Draε Ben Xedda, s tenqiṭ n 18, 36. Ma d inelmaden i yewwin ugar n 18 wwḍen 08 n yinelmaden, ma d wid i d-yewwin ugar n 16 leḥqen 167.
Ma deg wayen yeεnan amsizwer n tesnawiyin: d tasnawit n Bujimaε i yewwin amkan amezwaru s wazal n 84, 81%, ma d amḍiq wis sin, tewwit tesnawit n Σmer Tumi n Tegzirt s wazal n 82, 32%, ma d tasnawit Fatḥi Saεid tḥela-d amḍiq wis kraḍ, s wazal n 81, 29%. Ad d-nesmekti d akken lwilaya n Tizi Uzzu d tikkelt tis ṭam (08) ideg i tewwi amḍiq amezwaru deg umsizwer deg ukayad-a n BAC deg wakal aɣelnaw.

Adaoun Abdelghani