Accueil Tamazight Asileɣ n yiselmaden imaynuten deg Tizi Uzzu

Asileɣ n yiselmaden imaynuten deg Tizi Uzzu

2263

Ass n sed 16 deg yulyu 2016 i bdan ad lemden amek ara heggin iman-nsen i uselmed deg yiɣerbazen yemxalafen deg Tizi Uzzu. Ɣef waya, heggan-d iman-nsen ama d iselmaden-agi d-irebḥen deg temsizzelt , ama d wid ara ten-yeslemden. Iselmaden n uɣerbaz amenzu, yewweḍ umḍan-nsen 464, gar-asen 30 d iselmaden n tanga n tefransist , akked 434 d iselmaden n tanga n taɛrabt. Iselmaden-agi n uɣerbaz amenzu ad ten-slemden neɣ ad ten-silɣen yimaswaḍen n tangiwin (matières) yemgaraden, d yimaswaḍen n tadbelt (administration), wigi ayen yeɛnan aɣerbaz amenzu. Ad ɣren deg uɣerbaz alemmas n Draɛ Ben Xedda n watmaten Ḥeddad. Ma yella d iselmaden ara yesseɣren deg uɣerbaz alemmas akked tesnawit, amḍan-nsen 421, ad lemden deg tesnawit n Ʃabban Renḍan n Tizi Wezzu , ad ilin yiselmaden n uɣerbaz alemmas d tesnawit, ad ten-silɣen yinemhalen ( directeurs) ,n tesnawiyin neɣ n yiɣerbazen imenza akked d imaswaḍen n tangiwin d tideblin ( matières et administrations) d yiselmaden n usileɣ ( formateurs). Rnu daɣen iderrasen ( censeurs). Ad bdun almad seg 16 almi d 28 yulyu 2016, asileɣ n yiselmaden-agi ad idum 15 n wussan , sakin ad as-nefken tikciwin-nsen( affectations). Akken ad ẓren anida ara slemden ,seg wayyur n cutember d afella. Yerna asileɣ -nsen mačči dagi i yekfa imi mazal-asen ad ɣren deg wussan n yimuras n tegrest , 15 wussan. Syin d imuras n tefsut 15 n wussan. Akka dayen ad d-awin yiwet n tferkit n usileɣ (attestation), ad ilin ula d iselmaden yeffɣen seg uxeddim akken ad asen-fken afud ad bedden ɣur-sen. Isalen-agi, yefka-aɣ-ten-id Mass Lazib Farouk aderras n tesnawit n yiɛezzugen Sehoui Aldjia , afud igerrzen i yiselmaden n Tizi Uzzu .

Zakia Ben yahia