Accueil Tamazight Isallen n ddurt

Tarkunt

Isallen n ddurt

1970

Tlata, 12 deg yulyu.
D tameɣra n lberquq deg Laâlam, taɣiwant n Tamridjt. Ula d Sidi Bémol akked Idir ad ɣennin deg Lmaruk, d tameɣra seg tama-nni n Agadir xas ulamma uɣen tannumi, ttɣennin, dinna. Ma seg tama-agi n Lezzayer, UGTA tugi iṣudaf-nni n lintrit. Tebɣa ad qqimen kan akken.

Larebɛa, 13 deg yulyu.
Talɣuɣa n Lezzayer n Judo deg Tizi Uzzu. Meqqar ad teɛmer temdint, mebɛed mi texla seg Remḍan ɣer da. Nna Aldjia, yemma-s n Matoub, tekcem ɣer sbiṭer deg Tizi Uzzu. Salamat, kamim. Mačči am tẓegwa n Bgayet anda rɣan 2 200 n yigeṭṭaren. Win yebɣan, ad yerzu seg Jijel alamma d Lezzayer tamanaɣt, ha-t-an yella lbabur, srid lebḥar, lebḥar. Neɣ, ma ulac yella Moumouh s Album-is ajdid ‘’Dawi-yi’’.

Lexmis, 14 deg yulyu.
Win iḥercen, yeḥrec. Win yeɣran, yeɣra. Tizi Uzzu deg umekkan amezwaru deg BAC i tikkelt tis tmanya (8). Wissen ayen akka ? Ula deg twaɣiyin n yiberdan, ladɣa, imuṭuyen, yuli ugemmuḍ. Iḍelli kan i mmuten 3 n yilmeẓyen deg twaɣiyin n yimuṭuyen. Iḍ-nni, kra ttrun, kra ttaḍṣan imi d-wwin BAC. Am tegnawt n furar : ad yili d iṭij, din din d ageffur.

Sebt, 16 deg yulyu.
D tawaɣi deg tmurt n Fransa anda yiwen ‘’urebrab’’ yedhem lɣaci, s ukamyun, mi ttdifilin ass n 14 yulyu deg temdint n Nice, u yenɣa ugar n 84 n yimdanen d waṭas n yimejraḥ. Llan, gar-asen, 3 n yizzayriyen , ɣef wakken i d-nnan kra n yisallen. Wagi ixedmen tawaɣit-a, d Atunsi, yesɛa 3& n yiseggasen deg leɛmer-is.