Accueil Tamazight Asejhed n trisiti i taddart n Hagui

Tubiret : Asejhed n trisiti i taddart n Hagui

2019
- PUBLICITÉ -

Taddart n Hagui I d-yezgan tama n ugafa n Leɛǧiba tesfayda-d s yiwen n usenfar ara yessuzfen fell-as lḥif n lixsas n trisiti ama deg unebdu neɣ deg tegrest. Tamnaḍt-a, d tin yettwasnen s wakal n tfellaḥt d tin yeḥwaǧen trisiti s waṭas iwakken ad izmiren yimezdaɣ-is ad ssiwḍen aman ɣer tebḥirin-nsen. Di tazwara, taddart-a turez kan ɣer yiwet n tama I d-yettawin trisiti, maca zgan yimezdaɣ-is ccektayen s lixsas d uneqḍeɛ n tafat yal tikkelt. D ayen yeǧǧan imḍebbren terza taluft ad snernin I usenfar yellan iwakken ad ssixfen taɛkemt. D acu kan, segmi akka I d-yusa usenfar n lemɛawna deg lebni, aṭas n yimezdaɣ gar-asen ilmeẓyen s ṭṭaqa, fursen tagnit iwakken ad bnun. Aṭas n yixxamen I yettwasbedden, meɛna xas asiweḍ n waman ur yelli ara d aɣbel, maca trisiti d tin I ten-yeǧǧan gguman ad zedɣen imi d ayen iwumi ur zmiren ara ad d-ssiwḍen s tedrimt-nsen. Ihi, s lferḥ d ameqran I mmugren ussan-a beddu n lecɣal n usiweḍ n trisiti ɣer yal axxam. Si tama-nsen, imezdaɣ ssasehlen timsal I tkebbanit ur d-nmuger ara iɣeblan n uɛeddi di tferkiwin.

- PUBLICITÉ -

Smail. M

- PUBLICITÉ -