Ass n Sem akked Sed yezrin, 07-08/10/2016, i d-tesuddes tiddukla tadelsant “Imniren” (les guides) n tama n Uεfir n Bujima&epsilon,; s tallelt n tenmehla n yidles n Tizi Uzzu, tazrigt tamezwarut n rreḥba n udlis ilmed n warrac imecṭaḥ. Yella-d leqdic-agi adelsan deg uɣerbaz amezwaru “Addar Belaid” yellan deg tama-agi n Uεfir.
D reḥba n udlis deg tezrigt-is tamezwarut, ideg ttekkint 08 n tezrigin, ad d-nebder gar-asent: La pensée, Tamagit, Richa Elsam, Numidia, Syir…atg. Am wakken, daɣen , i llan yimyura i yessenzen s ubuddu idlisen-nsen, gar-sen: Zoulikha Touati, Ahcène Merriche, Nekkar Ahmed, Idi Bellal… Imsuddsen n rreḥba-a, heggan-d leqdic-nniḍen i lmend n temlilit-a. Akka ara naf, taceqquft n umezgun i d-tga terbaεt n umezgun “Ivtouren tama n Larebεa n At Yiraten, tirebbuyaɛ n tira akked usuneɣ, am wakken i d-yella, diɣ, useḥḥar…
D tagnit anda fursen yiɛeggalen n tiddukla i wakken ad fken arrazen d igerdasen n usebɣes i warrac i d-yufraren deg kraḍ n temsizliyin: ama d tira, taɣuri neɣ unnuɣ
Adaoun Abdelghani.