Seg 7 almi d 18 n wayyur-a n unbir , mlalent deg Merrakec, tamurt n Merruk, ugar n 195 n tmura i lmend n temlilit tagraɣlant ɣef lḥamu n umaḍal, neɣ La COP22.Imḍebbren isertanen, msegrawen-d i ṭṭabla n umciwer akken ad walin d acu i ilaqen ad t-xedmen ass-a akken ad tenɣes, xersum d anɣas, temḍerrit i yesseqdac umdan ɣef ugama, ladɣa s lgaz yettḍurrun, n uksid n karbun. Dɣa, imi seg temlilit n yilindi n Paris, aṭas i llan urǧan abeddel i ubaɣur n twennaḍt, ladɣa sɣur timura i yettḍurrun s tiyita tageɛmirt tagnawt, am Marikan, Tacint, d Thendiwt. Aseggas-a, fkan-as merra azwel i temlilit-a n Merruk zun d tin n ‘’tigawt’’. Yettusemma imtawayen akk i d-yeffɣen i lfayda n ugama, ad ttwasmersen s lebɣi asertan, war tuɣalin ɣer deffir. Ula d Tasbeddit n Nikula Hilu i Ugama d Umdan, tezga tessawal-d, send timlilit-a, ɣef wazal n unejmuɛ-a n Merrakec ɣef ubeddel i yimal (sdat) yelhan.
Mhenni Khalifi