S ddaw leεnaya n uneɣlaf n yimjuhad, Mass Tayeb Zitouni, d uneɣlaf n yidles, Mass Azeddine Mihoubi, tanmehla n yimjuhad, akked tenmehla n yidles d usalay amniḍan (Musée Regional) n yimjuhad n lwilaya n Tizi Uzzu, s tallelt daɣen n Tiddukla Tazzayrit n Tsekla Taɣerfant, heggan-d timsizzelt n tmedyazt tagrawliwt, ara d-yilin ass 11 deg waggur n buǧamber 2016, deg usalay amniḍan n lwilaya n Tizi Uzzu, yellan deg lğiha n M’Douha. Ass aneggaru ideg ara sersen isefra-nsen, wid yebɣan ad ttekkin, ad yili ass n 3 seg waggur n Buğamber 2016.D tiɣri i yiḥeddaden n wawal, ama d amedyaz ama d tamedyazt, neɣ d win yettewzanen awal deg usefru-s. D timsizzelt ara yesqerdcen awal ɣef tmedyazt tagrawliwt kan. D wagi i d asentel n temsizzelt-agi n tmedyazt. Ihi, ilit deg ttiεad ay iḥeddaden n wawal, afud igerrzen.
Adaoun Abdelghani