Ass-nni n lğemεa ɣef 11h n uzal, i yebda umecwar n tikli deg udrar, i d-yellan deg tɣiwant n Yililten yetabaεen ɣer ladayra n Yiferḥunen, i ibeεden s wazal n 75 ikilumitren ɣef temdint n Tizi Uzzu.D leqdic i d-tettheggi yal aseggas tenmehla n yilmeẓyen d waddal (DJS) n lwilaya n Tizi Uzzu, ideg ttekkin akk yixxamen n yilmeẓyen yellan deg wakal n temdint-agi. Acu kan, yal tikkelt anta tamnaḍt ideg i tt-xeddmen, dɣa tikkelt-agi iεeddan, xedmen-tt ass-nni n sem 25/11/2016 deg tɣiwant n Yililten.Ttekkint deg tikli-agi, tlata n trebuyaε i d-yusan seg kraḍ n yixxamen n yilmeẓyen n tlata n tɣiwanin-agi : Ait Aissa Mimoun, Tigzirt, Ouaguenoun. Tebda tmelḥiwt-agi seg taddart n Tirrurda armi uwḍen ɣer Uẓru n Ṭhur, lḥan azal n 35 ar 40 n yimdanen ɣef teɣzi n wazal n 20 n likilumiter, deg udrar zeddigen u cebḥen aṭas. Ma d akud n tikli-agi gar tlata n sswayeε d nnefṣ ar rebεa sswaye&epsilon,; imi bdan tikli lewhi n 11h uwḍen ɣef 15h.Dɣa gar wid-ak yettekkin deg umecwar-agi n 20 Km, yella uselway n tiddukla tadelsant «Itri n Uzekka» n taddart n Ixelwiyen, d netta i d-yeddan d wid i d-iruḥen seg uxxam n yilmeẓyen «Dib Mouhamed» n tɣiwant n Ait Aissa Mimoun. Nesenṭaq-it-id dɣa yenna-aɣ-d : «Ferḥeɣ aṭas s tikti-agi n tikli deg udrar, sarameɣ d tin ara d-yettilin yal aseggas. Imi nwala-d u nelmed-d deg ubrid-nneɣ aṭas n tɣawsiwin d tmussniwin, am wakken daɣen i d-nwala ccbaḥa n idurar-nneɣ ladɣa Aẓru n Ṭhur. Nesεedda-d ass deg teḍsa d tukksa n lxiq ɣef wulawen-nneɣ, d ttawil diɣen sways nexdem addal, mebla ma nfaq deg yiman-nneɣ…atg».
Amazigh Ghani