Ccix Arezqi iceyyex di Buɛaṣem, isedduy timɛemmart illan din. Iteffeɣ daɣen ɣef leswaq am ssuq n Letnayen di Lmaɛtqa, ittemlili d lɣaci, iferru timsal. Isɛa yiwen n uqeddac d aqudac, ittɛaṣi-t, iqqar-as tisura-k ha-tent-i ɣur-i. Ass-nni idfer-it uqeddac ɣer Letnayen, ad t-ineɣ. Ccix yeqqim, dewren-as lɣaci, iferru timsal. Inna-as uqeddac:’’efk-iyi tisura-w! Ccix yeqqar-as:’’ṛuḥ a mmi d lɣarḍ-ik, ad selkeɣ medden.
Aqeddac: ‘’ṛwaḥ ḥwaǧaɣ-k!’’
Ccix:’’ d lɣarḍ-ik, ad selkaɣ medden!’’
Tikkelt-nni, idegger lɣaci-nni idewren i Ccix, iwwet Ccix s tɛekkazt ɣer uqeṛṛu, inɣa-t.
Wwin fell-as asefru.
‘’Ad nedhem ɣer Buɛaṣem
Kul yiwen s yisem-is
Meẓẓi, meqqer, nettẓuru-t
Amɣar Sidi Belqasem
Lahu ɛalem
Ittẓalla d Nnbi, iẓuri-t
Ccix Arezqi am yizem
Iɣra d lɛalem
Yekker-d uqeddac yenɣa-t
Irebba-t-id am uzrem
Iteffeɣ, ikeččem
Ur yeḥtam lexdaɛ, yumen-it
Ɣer Letnayen i as-d-yeɛzem
Akken i yessaram
Ɣer ssuq idda, itubee-it
Gar lɣaci i t-id-idhem
Kra din iwhem
Ixdeɛ-it s tkemmit
D lmarṣba i ibɣa ad tt-yezzem
Uqadum n lhem
Iqḍae i lɛibad tawaɣit
Timɛemmaṛt i d-yeǧǧa tzemmem
Ula as-ixemmem
Weḥlen ṭṭelba msakit
Lemmer ilhi leḥkem
Yili testerǧem
Wagi yewwi-d xas ṣerɣ-it
Ccix Areẓqi d lfahem
Ɣef Rebbi i ixeddem
Mi isɛa inebgi, ikkeṛṛem-it
Ittaǧew laemer indim
Ittnawal dayem
Isečča ṣṣbaḥ, tameddit
Itweffa Rebbi ad t-irḥem
D mmi-s i iqeddem
Efk-as lǧaza, rḥem-it.
Ccix Muḥend Weɛli iḥezzem
Di kulci iṣeggem
A lexwan beddet i tẓallit
Ttraɣ-k a waḥed n dayem
A mu leḥkayem
Ad tuɣal ɣer tjaddit
Dɛaɣ s At Buhacem
A Sid ibeɛden
Cedda ad tt-tetbaɛ talwit.
Ramdane Lasheb