Ddurt-agi yezrin, ass n umenzu n furar, tella Massa Saεida Benhabiles, taselwayt taγelnawt n Waggur azeggaγ azzayri d tinebgit deg Tizi Uzzu, anda i d-tewwi lemεawnat i lfayda n 300 n twaculin i izedγen deg yidurar εlayen n tmurt n leqbayel, ladɣa tid yenṭarren di tallit-nni n udfel. Mbaεd imi temlal akked lwali n lwilaya n Tizi Uzzu Mass Muḥamed Budarbali deg uxxam n ugerzu, terza γer temnaḍt n Yiferḥunen anda itewwi lemεawnat (isufar n wučči, lebsa neγ iceṭṭiḍen, taduli akked 5 n yimuturen n trisiti (groupes électrogènes) i lfayda n twaculin yenxaṣen n 3 n tγiwanin, Iferḥunen, At Yilliten d Imesuḥal. Syin, tameddit n wass, terza-d γer temnaḍt n Wizgan, taγiwant n Yillulen n Umalu, anda i d-tewwi lemεawnat i lfayda n 40 n twaculini yettewfarqen γef 2 n tγiwanin, Illulen akked At- Zikki. Tekfa tirza tameddit n wass di taddert n Bunaεman taγiwant n Zekri, yiwet n taddart i yegren irebbi i tegrewla n Lezzayer. Iswi n tirza-agi, d aẓeṭṭa n tegmat akked tdukli gar yimdanen.
Islam Bessaci