Ttawilat n taywalt i yebdan akka ttawḍen ɣer waṭas n temnaḍin n twilayt d wid yesferḥen ugar imezdaɣ labeɛda wid n tudrin yezgan ccektayen. Maca, ar ass-a, mazal wid yettraǧun s ccuq ttawilat-a iwakken ad idiren am nutni am wiyaḍ, rnu akka tura ula d aɣerbaz yessutur seg yinelmaden ad ḍefren kra n yisenfaren yezzuɣur l’Internet. Taqaɛet, yiwet seg tudrin n tɣiwant n Leɛǧiba tewwi amur-is taggar-agi deg uḥric n l’Internet n lxiḍ. D acu kan, amur-a mačči d win iḥuzan ixxamen imerra, imi qrib akka yiwet n tama ur tt-yewwiḍ ara usafar-agi. Nezmer kan ad d-nesmekti dakken seg tama-agi, udmawen yemxallafen n ttawilat-a ama d la 3G neɣ 4G, ur ssawḍen ara yimezdaɣ ad sfaydin imi akken i aɣ d-qqaren «ixxamen-nneɣ ur d-usin lewhi n tsekwa i sbeddent tkebbaniyin deg yimukan yemxallafen». M.Smail
