Accueil Tamazight Asfugel n wass agraɣlan n waman

Bgayet : Asfugel n wass agraɣlan n waman

612
- PUBLICITÉ -

I lmend n usmekti n wass agraɣlan n waman i d-yettasen yal aseggas deg wass n 22 di meɣres, thegga-d Tkubanit tazzayrit n waman n lwilaya n Bgayet yiwet temlilit s wazal-is deg uxxam n “ ADE” di tama n uɣrem Remla . Deg temlilit-agi, mmeslayen yimusnaw yettuxessen deg uḥric–agi ɣef wazal sɛan waman di tudert n umdan n yal ass akked d ugama s umata . Yezzi wawal s waṭas ɣef wamek ilaq ara yili useḥbiber n lɣella-agi n waman ama di ttḍayuɛ, ama di tezdeg-ines d wallalen ilaqen, acku tineggura-agi, yettban-d belli amur ameqqran yettḍaɛ, yettruḥu ɣer yilel , imi aṭas n yiqudas n waman i yetteqrasen yal ass di tɣiwanin n lwilaya. Teddun waman sbaḥ tameddit deg yiberdan, ttɣiman akken acḥal n wussan ur d-ttwaxdamen ara. Ma d sebba n waya s umata, tettuɣal ɣer lqella n useɛlem n srabes teɛna temsalt. Tikwal, ttemlilin-d waman zeddigen akked wid n yizuliɣen. Aya d ayen i d-igellun s lemḍaerra, ama i umdan ama i yiɣersiwen . Ɣer taggara n temlilit, fɣen-d wid iḥedren s kra n ttewsayat icuban: asizdeg n lxuznat n waman d laɛwanser , lḥemlat n useɛlem n yimdanen ɣef n lɣella-agi i wakken ad tt-ḥerzen di ttḍayuɛ, areqqeɛ n yiqudas ideg teddun waman ama d wid zedigen, ama d wid n tzuliɣin, ladɣa ineggura-agi I wakken ur ttḍurun ara amdan d twennaḍt s umata .

- PUBLICITÉ -

B.B.

- PUBLICITÉ -