Seg umezruy aqbur, neẓra aṭas n yiberraniyen i yewwten amek ad yeɣli Umaziɣ d yidles-is, maca llan-d wiyaḍ i ixedmen, xeddmen ar tura fell-as akken ad ibedd, ad yennerni. Ad d-nemmeslay da ɣef Ukusi Pawl Andirsun, bab n wadeg akufi.org, akked tkebbanit Aɣerbaz d timetti daɣen. Nnuba n tkebbanit-a, d asras n usekkil amaziɣ deg rebɛa n tɣemmar n tmurt i uberreḥ ɣef walbaɛḍ n yiqeddicen, neɣ i udellel. Ɣas mačči aṭas-aya segmi d-tlul, tessaweḍ tecreḍ tamaziɣt akked wid i tt-iḥemmlen deg waṭas n yimukan d tezniqin. « Iswi amezwaru d asras n tutlayt tazwawt deg yakk imeḍqan izuzaz (publics), am di tḥuna, isensa, leswaq, tikeryas, tikebbaniyen n baylek d tid n uwanek, atg». I aɣ-d-yenna Mass Andersun. Syin yerna-d: « Nebɣa s usenfar-a, ad nessider tamaziɣt, ad nḥesses lɣaci ɣef wazal n tira n tutlayt-nsen deg tudert n yal ass. Am wakken, nenwa ad nebḍu tirmiyin n tsuqilin». Imi caḍen yiberdan n usnerni n yidles d tutlayt, awi-d ukan ma teḥsa tefrit s ubaɣur.
M. K.