Accueil Tamazight Yeḍra ubaxix-nniḍen deg Tqenṭert n Lberj n Mira

Tasexriwt : Yeḍra ubaxix-nniḍen deg Tqenṭert n Lberj n Mira

811
- PUBLICITÉ -

Tazwara n ddurt iɛeddan, yella d uḥzin ɣef kra n yinehharen akked yimdanen i iwalan asehwu-nni deg Lberǧ n Mira, taɣiwant n Tsexriwt. D yiwen n urgaz i yegrarben s ukamyun-is seg tqenṭert ɣer lxali, mi d-yeffeɣ seg ufalu aneggaru, iteddu-d ɣer Lberj n Mira. Ɣef wawal i yuzzlen deg yilsawen, yella umdan-a, iɛebba aṭas, dɣa mi qrib ad d-yeffeɣ seg ufalu mettwal 07:30 n tnezzayt, yeqqers-as umawaɣ (aḥebbas). Dɣa, i wakken ur yettawi tirwiḥin yexḍan d tiseflatin, yeɛreḍ ad d-yeṭṭef akamyun-is. Armi d-yewweḍ i tafat, yerwel-as ukamyun ɣer wadda n tqenṭert i ibeɛden s wazal n 70 n tmitratin ɣef lqaɛa. D ayen i yeǧǧan ilemẓi amerḥum yemmut dindin, akamyun-is yebḍa d iceqfan. I tikkelt-nniḍen, yella-d uḥebbas deffir ubaxix-nniḍen deg umḍiq-nni gedged am win n wayyuren iɛeddan. D acu kan, yefren unehhar tikkelt-a, ad yeɛreḍ ad tt-yefru akken-nniḍen, wala ma yewwet akamyun-is ɣer tkeryas i yellan deg lemsaq-is. Ɣef waya ihi i ilaq asɛeddi n lḥala n tezmert n ukamyun war astehzi, akken ur d-iɣelli yiwen deg tuccḍa iweɛren.

- PUBLICITÉ -

M. K.

- PUBLICITÉ -