Accueil Tamazight Asmekti n tlallit n Mohia

Udem gar wudmawen : Asmekti n tlallit n Mohia

2479
- PUBLICITÉ -

Muḥya : isem-is aḥeqqani : Muḥya Ablellah neɣ Muḥend u Yeḥya, ilul deg umenzu n unbir 1950 deg Yiɛezzugen. D amyaru n tecqufin n umezgun, d amedyaz, d win i d-yessuqlen aṭas n leqdicat si tutlayin tibarraniyin ɣer teqbaylit. Yesɛeda Muḥya tallit n temzi-is deg Yiɛezzugen, syin uɣalen yimawlan-is i wakken ad idiren di Tizi Uzzu. Yeẓwar aṭas deg uɣerbaz : yeɣra di tesnawit n Amirouche n Tizi Uzzu. Yewwi-d akayad n Bac deg useggas n 1972 akken iwata, d ayen i t-yeǧǧan ad ikemmel leqraya n tusnakt deg tesdawit n Lezzayer. Syin, ijarred deg yiwet n temsizzelt akken ad yekcem ɣer uɣerbaz n tkebbanit n waman di tmurt n Fransa di temdint n Strasgourg. Mi yella di lɣerba, yekcem ɣer ugraw anda lemden ɣef Yimaziɣen , syin yeṭṭef asebtar deg yiwet n tesɣunt i d-yessufuɣ ugraw-a (Buletin d’etude berbère ) , syin yesselmed tamaziɣt deg ACB. Asmi i yella di tmurt, yeɣra timsirin n tmaziɣt i d-ixeddem Mulud Mammeri di tesdawit. Muḥya, d win yettarun aṭas isefra gar-asen : Taḥya berzidan, A mmarezg-nneɣ , wigi ffɣen-d di tesɣunt Tisuraf. Aṭas n yisefra-s i yecnat Ferḥat Imazighen imula. Ula d Takfarinas yecna asefru Awid iheddren fell-i. Ma d Malika domrane tecna Aḍellaɛ yeqarsen. Ay arrac-nneɣ sɣur Yidir, asefru “Tarebget” i yexdem Ɛmer Mezdad di tazwara n tmacahut Tafunas yigujilen. tugget n yisental n Muḥya d ayen icudden ɣer tnemgit Tamaziɣt . Ma yella nuɣal-d ɣer tullissin d tmucuha, ad nemmagar tullissin i yettwaseklen di tkasiḍin : Tamacahut n Lqannan , Asmi nxeddem le théatre , wwet. Akken daɣen, llant aṭas n tid ur d- nettusekles ara ar ass-a. Ma yella deg umzgun, yexdem tasuqqilt i waṭas n tecqufin n umezgun gar-asent : En attendant Godot i yerra s yisem Am win yettrajun Rebbi n Samuel Beckett , La decision yerra-tt-id : Aneggaru ad d-yerr tawwurt , L’exception et la régle n Bertolt Brecht , la Jarre tuɣal Tacbaylit n Luigi Pirandello , Le Ressuscité n umyaru Lu Xun n tmurt n la chine ifka-as azwel n Muḥend U Ceɛban. Taneggarut-a, tettwasen aṭas , d ayen i tt-yeǧǧan teffeɣ-d d asaru. Yewweḍ Muḥya leɛfu n Rebbi ass n 7 duǧember 2004 di temdint n Paris.

- PUBLICITÉ -

S.Yamani

- PUBLICITÉ -