Accueil Tamazight Massa El-Adjla Boughedad deg umḍiq amezwaru

Illizi Banen-d yigemmaḍ n tfaska taɣelnawt n tmedyazt tamaziɣt

Massa El-Adjla Boughedad deg umḍiq amezwaru

253

Deg tmeddit n wass n letnayen 23 deg waggur-nni yezrin, i d-bannen yigemmaḍ ineggura n tfaska taɣelnawt n tmedyazt tamaziɣt, deg tesfugla n taggara i d-yellan deg lwilaya n Ilizi. D Massa El-Adjla Boughedad n lwiyala n Tubiret, i d-yufraren s usefru-ines yeččuren d sser akked ccbaḥa n yimeslayen. Syin akkin, deg umḍiq wis sin, ad naf Massa Saâdia Benamara n lwilaya n Wehran, ma d amkan wis tlata yewwi-t Mass Jimmy Amazigh n Batna, deffir-s kan yella Mass Abdellah Kaïri n Tamanrasset, ma d amḍiq wis xemsa, iṣaḥ-d Mass Salah Tirichine n lwilaya n Ghardaia. Ad d-nesmekti belli tafaska-agi taɣelnawt n tmedyazt tamaziɣt, deg tezrigt-is tamezwarut, ihegga-tt-id Usqamu unnig n timuzɣa akked waṭas n yimsuddsen-nniḍen, yeddan ɣef teɣzi n 05 n wussan, imi tebda ass-nni lǧemɛa 20 deg tuber 2017, temdel tiwwura-s ass-nni n 24. Gan-tt d tajmilt ɣef tesmiḍent (100 n yiseggasen) n talit n uzamul n tmussni d yidles amaziɣ Mulud Mɛemmri (1917-1989). D timsizzelt yeldin akk tiwwura-s i yiḥeddaden n wawal d wat bu yiles amaziɣ, ugten yisental i d-wwin yimedyazen i d-yerzan seg rrebɛa n tɣemmar n tmurt. Llan leqbayel, icawiyen, itergiyen, imẓabiyen….atg. D isental akk i icudden ɣer tgemmi, tamagit akked yidles amaziɣ s umata.Am wakken, daɣen, i d-yella wahil adelsan d anesbaɣur i lmend n tfaska-agi, i yeddan ɣef teɣzi n semmus n wussan. Gar leqdicat idelsanen meqqren i d-yellan deg-s, ad d-nebder: Timsizzelt-agi n tmedyazt, isefra berra n temsizzelt, asikew n uselmed n tutlayt tamaziɣt deg kra n yiɣerbazen imenza n lwilaya n Illizi, timlilit n usileɣ s tmaziɣt i lfayda n yimniren n tmerrit n lwilayat Illizi akked Tamanrasset, isaragen, asarag ɣef Mulud Mɛemmri i wumi tuɣal tejmilt-agi, i lmend n wayen i d-yefka i yidles d tutlayt tamaziɣt…atg. D mass Si El Hachemi Assad, s yisem-is d amaray amatu n Usqamu unnig n timuzɣa, i d-yellan ɣef lmendad n tmeɣra n taggara, ideg i d-yenna: “Tafaska-agi taɣelnawt n tmedyazt tamaziɣt, tewwiḍ ɣer yiswi-ines agejdan. Imi nessaweḍ, ad nesseddukkel aɣref amaziɣ, yal wa s tantalit-is. D tagnit ideg i d-nsemlal imedyazen yettmeslayen tantaliyin akk yellan deg tmurt n Lezzayer…”.

Ghani Amazigh