Yuγal-d unaddal Yanis Soualah γer tmurt s yiwen n warraz n uẓref i d-iḥella deg temlilit tagraγlant n Taekwondo i d-yellan deg La Corée n Wadda. D mmi-s n Tubiret, yessaweḍ azal n 15 n yiseggasen deg leɛmer-is, yefren addal-a n Taekwondo segmi yella d anelmad deg uγerbaz amenzu γer tama n gma-s Manis, i d-iḥellan ula d netta aṭas n warrazen. Timlilit-a i t-yessawḍen almi d La Corée n Wadda, tusa-d mi akken itri-a n Tubiret, yezzi-d i twilayin n tmurt anda i d-yella d alγu&gamma,; syin iruh almi d Maser anda i d-iḥella cciɛa n wureγ. Mi d-yuγal γer tmurt, d aγerbaz Nadjah n Tubiret i as-yerran tajmilt γef wudem i d-yefka i Lezzayer deg tmura tiberraniyin. Mačči kan d aγerbaz-is i t-id-yemmektan, maca ula d taγiwant-is tanaslit, Saharidj, i d-yezgan deg lɛerc n Yimceddalen, terra-as tajmilt s wazal-is ass n ssebt yezrin anda i hedren waṭas n yimdanen i as-yefkan tabγest i wakken ad yeddu ugar γer sdat. Ad d-nesmekti kan, niqal ad yettikki deg talɣuɣa n ddunit deg Perou ach kan ur kkin ara netta akked temdakkelt-is Nihad. Mebɛed mi xedmen tannant i wakken ad ruḥen ɣer Perou akked terbaɛt taɣelnawt u sebblen kra n lweqt deg leqraya-nsen, imḍebbren n terbaɛt-a, ur asen-d heggan ara visa deg lawan. Ayen i ten-yeǧǧan ur ttekkan ara deg talɣuɣa n ddunit. Tedra telɣuɣa-agi n Corée n wadda seg 4 ar 8 deg duǧenmer-agi i deg-i nella u kkint deg-s 72 n tmura.
M. Smail