Accueil Tamazight Temdel tiwwura-s tezrigt-is tis mraw

Tizi Uzzu Rreḥba Ğerğer n udlis : Temdel tiwwura-s tezrigt-is tis mraw

715
- PUBLICITÉ -

Ha-ta-n wayen i d-nnan

- PUBLICITÉ -

Goumeziane Nabila, d tanemhalt n yidles n lwilaya n Tizi Uzzu

« Nebɣa ad nessiweḍ rreḥba-agi n udlis i yimezdaɣ merra n lwilaya-nneɣ, dayen i d aɣ-yeǧǧan ad nexdem ahil d amerkanti deg yimukan n yidles tesɛa lwilaya n Tizi Uzzu. Dɣa nessekcem rreḥba-agi s leqdicat idelsanen deg 5 n temkerḍiyin n tɣiwanin, iɣerbazen n usegmi, deg wammas adelsan Matoub Lounès…atg. Nexter ad as-nner tajmilt meqqren i urgaz meqqren deg unnar n tira ama dagi deg tmurt n Lezzayer neɣ deg tmura n leǧnas, ula d tajmilt-agi tekcem deg tesmiḍent n tlallit n umaru, n umazray, n umnadi, n umussnaw Mulud Mɛemmri. Ulamma yal aseggas nettara-as tajmilt, maca netta yuklal ugar n waya i lmend n wayen i d-yefka i yidles n tmurt n Leqbayel s wuzig neɣ win n tmurt n Lezzayer s umata. Ad snimreɣ aṭas udmawen n lḥerma i d-yerran i tiɣri-nneɣ, i wakken ad tɛeddi rreḥba-agi deg tegnatin igerrzen, mebla ma ttuɣ imura d tezrigin i d-yerzan seg tamiwin yemxalafen n tmurt, ad snimreɣ daɣen wid i d-yefkan isaragen, akked wid i d-yellan ɣef lmendad n yisikwan i nexdem. Ma nemmeslay-d ɣef usentel n rreḥba-agi, nextar-it imi nwala belli asentel-a yedda d leqdicat n usfugel n tesmiḍen n Mulud Mɛemmri, yerna mačči dayen i tzemreḍ ad d-temmeslayeḍ ɣef Dda Lmulud deg 5 n wussan kan. Am wakken daɣen i d-yella waṭas n umaynut deg tezrigt-a tis mraw, nessaram ɣer taggara ad nessiweḍ ɣer yiswi-nneɣ agejdan (asnerni n wazal n udlis deg tmetti-nneɣ).

Mohamed Abdellah, d amaru i d-yerzan seg Tlemcen

«Rziɣ-d i tikkelt tamezwarut ɣer rreḥba-agi Ǧerǧer n udlis dagi deg lwilaya n Tizi Uzzu, iɛǧeb-iyi aṭas lḥal imi walaɣ inelmaden neɣ ilemẓyen qqaren idlisen ladɣa ungalen, ulamma ula d nekk d ilemẓi n 20 n yiseggasen, maca rran-iyi-d asirem warrac-agi. Ssarameɣ ad d-uɣaleɣ aseggas-nniḍen s udlis-nniḍen, ad cekkreɣ aṭas imsuddsen n leqdic-agi, d wid i yi-id-inecden i wakken ad iliɣ gar watmaten-iw imura iqbayliyen.

Yesteqsa-ten A.A

- PUBLICITÉ -