Ɣef leḥsab n wayen i d-wakden yiɛeggalen n Usqamu aɣerfan n tɣiwant n Lemɛatqa deg wussan ineggura, azal n 60 n tnezduɣin i yellan ttwajerden deg wahil n lebni n umages ( habitat rural), ttwaferqent ɣef yimezdaɣ yenḥafen deg tɣiwant n Lemɛatqa. Ɣas ulamma amḍan-agi n tallelt n lebni n umages drus maḍi, ma nesmars-it d umḍan n yimdanen yessutren tallett, anda yettwajerden ugar n 1200 n yikaramen n tallelt, maca 60 n tnezduɣin-agi, ad snaqṣent aɣbel n tnezduɣin i iceɣben imezdaɣ n tɣiwant-agi yenḥafen. Deg teswiɛt anda tamurt, teɣli-d deg uɣbel n lexsas n tedrimt sdat n ussubu n leswami n upitul deg ssuk n umaḍal, tuget n yiḥricen n uwanek ttwaɛegben. Dɣa, yegla ula s wahil n tallelt n lebni n umages, iḥuza-t uɣbel-agi, dɣa imḍebren sneqsen aṭas deg tallelt.
Ali Zalouk