Accueil Tamazight Tasnawit Ḥusin Ayt Ḥmed, seg lexsas ɣer wayeḍ

Ayt Smaɛel : Tasnawit Ḥusin Ayt Ḥmed, seg lexsas ɣer wayeḍ

701
- PUBLICITÉ -

Ɣas ma qrib dayen ad yekfu useggas aɣurbiz 2017-2018, mazal inelmaden n tesnawit tamaynut, iwumi fkan, deg wakud yezrin, isem n urgaz n tegrawla Ḥusin Ayt Ḥmed, ttmagaren-d lexsasat di tɣuri-nsen. Ma nuɣal ɣer deffir, yewwi-d ad d-nebder aɣilif amezwaru i d-yellan deg-s, imi d-iban lexsas n yiselmaden d win iḍurren aṭas arrac n tesnawit-nni. Aya mbeɛd mi asen-yexreb wahil imi qqimen acḥal d ussan war timsirin akk i asen-ilaqen. Qqaren kan ɣur kra n yiselmaden i d-yettwaheggan send ad yebdu useggas amaynut n tɣuri. Armi dɣa rwan araǧu akken i d-ttwawfen yiselmaden-nni ixussen, yefra wugur mi qqlen zemren ad ɣren ula d isragen i yellan ttruḥen-asen. Maca, ɣas tettwareqqeɛ yiwet n taluft yennerna-d uɣilif-nniḍen n usunded i iḥettmen aṭas n yinelmaden n tmurt, gar-asen wid n tesnawit n Ḥusin Ayt Ḥmed, ad ḥebsen leqraya, ad qqimen tawala taɣezfant deg yixxamen-nsen d wakken uɣalen ɣer leqraya n yal ass. Dɣa ula deg ddurt-a yezrin, mi sɛeddayen yinelmaden ikayaden n ukraḍyur aneggaru, ur asen-tettwaxdem ara tgella deg twala n usɛeddi-nni. D wayeḍ n lexsas ur neɛjib i warrac d yimawlan-nsen, ladɣa imi deg wussan-nniḍen n tɣuri, yettwaggay-d wučči i yinelmaden. Meḥsub lexsas-a ur asen-yehwi ara seg yiwet n tama, acku yella-d di lawan ideg mazal ciṭ n wakud i wakken ad yekfu useggas aɣurbiz, ad bdun yimuras n usgunfu deg unebdu-a i d-yettaẓen. Aṭas i ssarmen limmer ttwasseččen warrac ula deg teswiɛt n yikayaden, ɣas sɛeddayen kan izegnaten n wussan, imi llan yinelmaden ibeɛden ɣef yixxamen-nsen, sruḥuyen ugar n wakud deg ubrid, sebbren i laẓ nnig ɛeyyu n truẓi n uqerruy deg yikayaden. Di taggara, ad d-nesmekti d akken anemhal n tesnawit n Ḥusin Ayt Ḥmed Mass Racid Rebbaɛi yesneɣmes arrac s uzemz n useɣti n yikayaden ara yilin seg wass n 27 alamma d 31 maggu 2018, iger-asen daɣen tiɣri ad ḥeḍren i useɣti-nni acku yezmer ad ilint tuccḍiwin ara iḍelmen albaɛḍ seg-sen. Ma ɣef yinelmaden ara yesɛeddin akayad n BAC, yenna-d Mass Rebbaɛi ad asen-ǧǧen tasnawit teldi alamma d ass n 19 deg wayyur n yunyu.

- PUBLICITÉ -

Kaissa Khalifi.

- PUBLICITÉ -