Accueil Tamazight Ad d-tili seg 25 ɣer 29 deg yulyu 2018

MAâTKAS - Tazrigt tis 8 n tfaska n ufexxar : Ad d-tili seg 25 ɣer 29 deg yulyu 2018

1280
- PUBLICITÉ -

ɣef leḥsab n yisallen n yimḍebbren n Tesseqamut n usuddes, ad tili tezrigt tis 8 n Tfaska tadigant n ufexxar n Mɛatqa seg 25 ɣer 29 n yulyu 2018, deg tɣiwant n Mɛatqa i d-yezgen deg unẓul, i ibaɛden s wazal n 25 n yikulimitren ɣef tlemmast n temdint n Tizi Uzzu.

- PUBLICITÉ -

Akken tuɣal d ansay, d aɣerbaz alemnas Unnar Muḥammed i deg ara ilint temsekniyin yemgaraden, isekwan, isaragen d leqdicat idelsanen n yal ass. Yiwen wahil s wazal-is i d-yettwaheggan i lmend n tmeɣra-agi, anda ara naf deg tazwara, taflalit n tuqqda taqburt ara yilin deg wass amenzu n tfaska, syin, ad tili tadwilt n uberri n timsikniyin n tinḍi. Aṭas n yisaragen yettwajerden deg wahil n tmeɣra-agi ara d-yawin awal ɣef ufexxar d wazal-is deg tdamsa n temḍiqt-agi n leqbayel. Ad yerzu wawal ɣef tussniwin yemgaraden i icudden ɣer tẓuri n ufexxar. Aṭas n yisaragen, diɣ, ara d-ihedren ɣef wazal n ufexxar deg tussna n umdan, iberdan n useḥbiber d usnerni n wazal-is deg tɣiwant n Mɛatqa. Am wakken ara ilint waṭas n temsikniyin d isekwan deg wahil n tfaska-a. Ad naf s waṭas iḥirafiyen n ufexxar, ama d aqbur, neɣ d amaynut, tiqendyar n leqbayel, iḥirafiyen n usɣar akked wayen yakk yeɛnan isufar n tinḍi. Ɣef laḥsab n yimḍebbren n tesseqamut n usuddes, ugar n meyya (100) n yimttikiyen ara yilin deg ttiɛad n tezrigt-agi tis 8 n tfaska tadigant n ufexxar n Mɛatqa, taɣiwant yettwasnen s ṭinḍi i icudden ɣer ufexxar, d rqem yemgaraden d temḍiqin-nniḍen.

Ali Zalouk

- PUBLICITÉ -