Ansay Asečči n yiɛessasen, d yiwen gar wansay iqburen i mazal yuɣ izuran-is deg tmetti taqbaylin. Dɣa, ad d-yili Usečči n Umɣit deg taddart n At Zɛim yettabaɛen ɣer tɣiwant n Mɛatqa, ɣef leḥsab n imḍebbren n tesseqamut n taddart, ass 18 seg waggur n ɣuct 2018 deg taddart n At Zɛim, deg ljameɛ n Umɣit. Akken tuɣ tannumi tesseqamut n taddart, yal aseggas tessuddus-d asečči-agi, d tagnit i yemzdaɣ n taddart d tuddrin yakk n tɣiwant i wakken ad mmlilen. Tinnubga i yal yiwen yebɣan ad yerzu ɣer taddart n At Zɛim, i d-yezgan deg unzul n tɣiwant n Mɛatqa i ibeɛden s wazal n 3 n yikilumitren ɣef tlemmast n tɣiwant, tirza igerrzen.
Ali Zalouk