Aɣerbaz agraɣlan azzayri yellan di Paris di tmurt n Fransa, yewwin isem n umaru azzayri Malek Bennabi, yewwi-d agemmuḍ n 100% deg ukayad n taggara n tesnawit (BAC). Imi inelmaden merra izzayriyen yeqqaren deg useggas wis 3 n tesnawit, deg 27 yid-sen, wwin-d akk akayad-agi n useggas aɣurbiz 2017-2018. D ayen swayes i d-iberreḥ ass-nni n lḥed yezrin 22-07-2018 uɣerbaz-agi. Yal aseggas, agemmuḍ yettɛeday i 90%, yettaɣlab winna n dagi n tmurt s wacḥal. Inelmaden yeqqaren deg-s, llan wid n tmussniwin tussnanin, llan diɣ wid n tutlayin tiberraniyin. I useggas-agi, llan 19 d timussniwin tussnanin i ɣran ma d 8 wiyaḍ d tutlayin tiberraniyin i ɣran. D aɣerbaz i d-ijemlen tlata yiswiren, ma d ihalen-nsen unṣib d win n tneɣlaft taɣelnawt n usegmi n tmurt n Lezzayer i tlata n yiswiren (amenzu, alemmas, tasnawit). Ɣer taggara, ad-nesmekti belli, aɣerbaz-agi Malek Bennabi, yettwabna deg tuber 2001 sɣur Uwanek azzayri, i warraw-is iɣriben yellan di tmurt n Fransa.
Gh. A.