Accueil Tamazight Tiɣri i yiḥeddaden n wawal d usefru

LEZZAYER TAMANAƔT - Tazrigt tis 16 n temsizzelt n tmedyazt ifazzen : Tiɣri i yiḥeddaden n wawal d usefru

1132
- PUBLICITÉ -

Yebda yakan ujerred n wid yebɣan ad ttekkin deg tezrigt tamaynut 2018 n temsizzelt n tmedyazt ifazzen, i d-yettuɣalen yal aseggas. D timsizwert deg tedwilt-is tis mrawet d seddiset (16), i d- yettheggi yal aseggas Usɣur n tẓuri d yidles n lwilaya n Lezzayer. D asiher i ttraǧun waṭas n yimedyazen d tmedyazin, yettfeṣsilen awal d asefru. Yelli tiwwura-as i yiḥeddaden n wawal merra n tmurt n Lezzayer, meqqer neɣ meẓẓi, lmuhim d amedyaz. D timsizwert n yisefra ara d-yilin, s tutlayin merra yettutlay ugdud azzayri (Taɛrabt taklasikt akked dderǧa, tamaziɣt d tefransist). I wid neɣ tid yebɣan ad ttekkin deg temsizzelt-agi n tmedyazt deg tezrigt-is 16, ilaq fell-asen ad aznen isefra-nsen yettwarun ɣer tansa-agi «Etablissement Arts et culture Bibiliothèque multimédia de jeunesse, 38/40 Rue Didouche Mourad, Alger» , Annect-a, uqbel ass n 30 cutember 2018. Yal amsizwer, ilaq ad iceggeɛ tlata n yisefra, yal asefru yettwaru ɣef 5 n tikkal (imedyaten), yerna ad yazen yid-sen, tifert n tumla (fiche de renseignement) , ɣer tansa-agi i d-nebder yakan. Ma ɣef tiddin n timsizzelt d ufran n warrazen, ad yili usɣerbel n yisefra-agi, sɣur teseqqamut n ufran ideg ara yillin ddeqs n yimedyazen d yimura muccaɛen deg tmurt, d nettat ara d-iberḥen s yismawen n wid ara d-yufraren. Ma d ɣef yilugan n temsizzert-agi, yal yiwen ilaq ad iẓer annect-a. Alugen amezwaru, yeqqar-d imuhal n yimsizewren-agi ur d asen-ttuɣalen ara i yimawlan-nsen, ama ufraren-d neɣ ala. Wis sin, yeqqar-d belli, imedyazen i d-yufraren deg tezrigin iɛeddan, ur zmiren ara ad kkin alamma ɛeddan 3 n yiseggasen, ma d wid yewwi arra-agi tlata n tikkal, ur sɛan ara azref n uttekki deg tezrigin i d-iteddun n temsizzelt-agi taɣelnawt n tmedyazt.

- PUBLICITÉ -

Adaoun Abdelghani

- PUBLICITÉ -