Accueil Tamazight Isubb-d cwiṭ ulzuz n tkeryas

Ssuq n Tjellabin : Isubb-d cwiṭ ulzuz n tkeryas

1068
- PUBLICITÉ -

Akken yella lḥal seg waṭas d ayyuren tura, yella weɛrit ayendin uqerreb ɣer ssuq n tkeryas deg yakk tiɣemmar n tmurt, abeɛda i win yesɛan tajernant talemmast, neɣ teɛdel deg wayen iwumi itessra kan d agejdan deg tudert-is n yal ass.

- PUBLICITÉ -

Seg wakken teɛlay ssuma n tkerrust taneggarut i d-yettasen i lxaṭer n yilemẓiyen d yimasayen n twacult, iruḥ kra n urbaɛ armi d-yesnulfa tiɣri i uḥbas ɣef tiɣin n yakk isenfan n tkeryas, iwumi isemma: « Anef-as ad tettseddeḍ ». Aya ɣur-sen d abrid seg yiberdan akken ad d-sbeggnen lɣiḍ-nsen seg tmerniwt-a di ssuma i d-yeḍran taggara-a di tkeryas. Ɣef wawal n wid iqerben i ulzuz-a n tkeryas, ssebba n waya d tasertit i tessemres iseggasen-a yezrin tmurt n Lezzayer, mi akken yeɣtes udabu ad d-yettaɣ tipyasin d wallalen si berra, ad ixeddem asbedd d useggem da di luzinat n daxel. D ayen i d-yeglan, seld kra n wayyuren, s teɣlayt n tkeryas, ma ulac ad d-tili lexsara d tameqqrant di tdamsa i icudden i ssuq-a. Maca, seg tefsut yezrin, iban-d yenqes ciṭuḥ di teɣlayt ssuq n tkeryas, abeɛda win n tkeryas yettwasqedcen yakan. Deg ulzuzen anda ttnuzunt, am ssuq i d-yettilin di Tjellabin, llant tkeryas i d-subben s 40 n yimelyan deg yiwen ubrid. Armi walan kra aya mačči d sswab imi, ɣef wawal-nsen, tenṭer tecreḍt (marque) n tkerrust-nni, yenṭer ssuq s umata. Ma nefka-d amedya n sswami n kra n tkeryas yettwasqedcen, ad d-naf tres-d Renault Clio 3 s 130 n yimelyan. Clio Campus s 135 n yimelyan, ma d Kia Picanto n 2016 yessutur bab-is ddurt iɛeddan 137 n yimelyan. « Lliɣ ur ufiɣ akk amek ad d-beddleɣ takerrust degmi tuli ayendin ssuma-s. Maca, tura mi d-subbent cwiṭ, ad senzeɣ taqburt i sɛiɣ, ad kemmleɣ, ad d-aɣeɣ tayeḍ ». I d-yenna yiwen n yilemẓi. Akken yebɣu yili, yettraǧu ugdud, abeɛda aḥric n yilemẓiyen, melmi ara d-tuɣal, ad terked ugar ssuma akken ad yizmir yal yiwen ad yekseb takerrust.

M. K.

- PUBLICITÉ -