Accueil Tamazight D tuɣalin n tbuẓeggaɣt d choléra ?

D tuɣalin n tbuẓeggaɣt d choléra ?

506

Iḥeṭṭer umaḍal tallit-a tamirant i tuɣalin n kra n waṭṭanen i yellan ttwassnen kan di lqern yezrin, ɣillen negren dayen armi aṭas i ten-yettun. Maca, ibeyyen-d anemgal uberreḥ s liḥalat, am umedya n lkulira d Lezzayer, ajeǧǧiḍ di Fransa, tterka di Madagaskar, d tbuẓeggaɣt d Lezzayer d Fransa. Xas ulamma ur wɛiren tura i udawi am zik, maca yessewhem ubin-nsen akk imnadiyen d yimejjayen. Ad d-nesmekti d akken yella wanida glan waṭṭanen-a i d-yuɣalen s terwiḥin. Ma nemmeslay-d ɣef Choléra di Lezzayer, ɣef wawal n uɣlif n tezmert, mmuten seg-s 2 n yimdanen seg wayyur n ɣuct yezrin. Ssebba tagejdant i yeǧǧan aṭṭan-a ad d-yettwasider, akken i d-wwin yakk yisallen, d lexsas n tezdeg di twennaḍt n umdan, imi sanda terriḍ, ad tafeḍ iguduyen, aman yumsen, izan d yigeṭfan. Ɣef wawal n yiwen i iqerben i uḥric n tesnujjya, i d-yemmeslayen deg umaṭṭaf wis 3, akken yebɣu uwanek (ddula) yesɛa tamasit ɣef waya, maca ula d aɣerman yesɛa amur-is. Ɣef tmuɣli-s dima, ilaq ad yili uɛiwed n leḥsab ɣef tezdeg n berra, mu ulac ula d ajeǧǧiḍ akked ttifis, zemren ad d-uɣalen ur nedmi.

M. K.