Aɣmis n Yimaziɣen: Awal s tewzel ɣef tezrigt-agi tamaynut?
Akli Outamazirt: Timlilt-a tis 12, ad tili d tajmilt i yiwet n tmedyazt d tmeɣnast n tmaziɣt, yettidiren deg Wehran, anida tebɣu tili, tettawi amennuɣ-is ɣef tutlayt d yidles amaziɣ deg yidammen-is, yerna tedder.
D acu-ten wuguren i d-tettmaggarem yal tikkelt?
Uguren ma yella nebda-d, ur ttfakkan ara. Maca s umata, nerra timlilit n tmedayzt n Ṣummam i usnerni n tmedyazt, akked ubeggen n yimedyazen imaynuten. D abrid i nextar i wakken ad nesnerni tamedyazt akken ad teṭṭef amkan-is deg tmetti akked yidles-nneɣ. Maca, ɣas llan yiswiyen iɣur nessaweḍ, acu kan mazal wiyaḍ akka am tikkin n tamiwin yemgaraden n tmurt n Lezzayer, yessawalen tamaziɣt. Am wakken daɣen, tugget n widen akken yettikkin yakan, d wid i d-yettuɣalen yal abrid. Lukan mačči d leḥrara akked lebɣi i sɛan yiɛeggalen n tddukkla, tili ur tettili ara, imi ulac ttawilat iwulmen s waṭas, ladɣa lexṣaṣ n tedrimt (…)agt.
D acu-t umaynut n tezrigt-a ?
Aseggas-a d yilindi, negzem-tt deg rray, belli ad d-yili umsizwzer n tmedyazt taqburt akk d tmedyazt tatrart. Daymi i nga arraz i tmedyazt taqburt, i tlata imezwura ara d-yufraren, ad asen-d-nessufeɣ ammud n tmedyazt. Ma yella d tamedyazt tatrart, ad teqqimm kan akken tella, amenzu ara d-yufraren, ad asen-d-nessufeɣ ammud n yisefra, ma d wis sin d wis tlata, ad asen-d-nessufeɣ yiwen wammud.
D acu-t tiɣri-nwen i yimedyaen ?
Ad sutreɣ deg yimedyazen, ad aɣ-ssurfen imi nessexser ammud n yisefra n temliliyin yezrin, ladɣa ammud n yisefra n Bouchiba Fatiha akked win Louni Salah. Ad asen-ssutreɣ i yemtikkiyen n yilindi, ad aɣ-d-rren ammud-nni i nessexser akken ad asen-d-nɛiwed asuffeɣ abrid-nniḍen. D wa i d leqdic addukklan, nxedddem akken nufa mačči akken nebɣa.
Awal n taggara…
Tanemmirt-ik i kečč akked Uɣmis n Yimaziɣen, i d aɣ-d- yettmuddun tagnit i wakken ad d-nemmeslay. Afud igerrzen deg umecwar-nwen. Ssarameɣ ad ilin aṭas n yimedyazen imaynuten deg temlilit i d-teddun.
Yesteqsa-t Ghani Amazigh