Wwḍen-aɣ-d yisallen sɣur yiqeddacen n teywalt n Uḥuddu aɣarim n Bgayet d akken deg useggas n 2018, aṭas n yixessaren i d-yellan deg unebdu-a iεeddan, ama deg tẓegwa, deg yiberdan neɣ deg teftisin. Deg wayen yeεnan imeḍqan-a n uεummu, ulamma tella-d tεessast, seg waggur n yunyu armi d win n cutembeṛ ɣerqen 14 n yimdanen deg 34 n teftisin yemgaraden. Gar-asen 5 deg tiftisin ur nesεi taεessast (yiwet n tmeṭṭut, 3 n yirgazen akked d uqcic ). Ma yella d 9 i d-yeggran, ɣerqen deg teftisin yettwaεussen, 5 deg-sen mmuten deg wakud ur nekcim deg win n tεessast. Iqeddacen n uḥuddu Aɣarim, seg wazal n 8 404 n tuffɣiwin, ssawden sellken-d azal n 3 518 seg teɣreqt. Ma yella seg tama n tẓegwa d yindaren n tmes, gar waggur n yunyu akked cutember, tewwi-d teɣbalut-nneɣ d akken rɣan di Bgayet azal n 595 n yimeḍqan, anda i leḥqen i 203 deg waggur n yulyu, d 188 deg win n ɣuct. Azal n 253,3 Ha n tzegzewt, 7.9 Ha n ṭṭjur n yigumma, 288 n taffiwin n usaɣur. Am wakken daɣen i aɣ-d-wwḍen yisallen ɣef yisehwa (lakṣidat) n yiberdan, imi deg kṛad n wayyuren n unebdu, ḍran-d azal n 747 n yisehwa, anda i mmuten 21 n yimdanen, ma yella d wid ijerḥen, wwḍen ɣer 956. Seg tama tayeḍ, deg useggas n 2018 s umata, llan-d lqidar n 1 344 n yisehwa, jerḥen deg-sen 1 630, mmuten 30 seg wid yettεumun. Ad d-nesmekti d akken gar useggas n 2017 d win n 2018, neqsen yimḍanen n yiwessaren.
K. K.