Xas ma yella Taɣiwant n Tsexriwt, ur telli d tin deg wacu uqan waman, imi tesεa aṭas n taliwin akked teɣbula n waman am ucercur n Tzebbucin, amazzer n Kefrida, lεenser azeg3a, asif i d-yettmirin seg ubaraj n Xeṛṛaṭa, meεna taɣiwant-agi nṭerren yimezdaɣ-is nezzeh seg lexsas ameqqran n waman n tissit. Ayagi d aɣbel i sεan acḥal aya, ama d wid i d-yezgan di Lburj n Mira, imi d nutni i iqerben mliḥ ɣer lεinser-a, neɣ d tuddar-nniḍen i yeggugen ɣef tɣiwant, ladɣa taddart n Rrif. Imezdaɣ, ur asen-yehwi ara waddad-a, acku aman d ayen ilaqen i tudert n yal ass. Ayen yessewhamen deg temsalt-a ɣer wat Tṣexriwt, d amek i qqimen yimezdaɣ i yeggugen azal n 1 km ɣef Lεinser azegza war aman, ma yella tamdint n Bgayet s umata i yeggugen ugar n 50 n yikilumitren ɣef Tṣexriwt, tettawi aman deg yijeεbuben si zik seg temnaḍt-a. Ad d-nesmekti d akken ijeεbuben-agi, xedmen azal n 700 mm deg lista&epsilon,; ihi anamek-is d igaεmura mliḥ mliḥ. Dɣa deg wussan iεeddan, yiwen deg-sen yella yexṣer deg tɣiwant n Yiderginen, meεna iqeddacen n lezzayer n waman (ADE), dhan d ccɣel-is s temɣawla.Ɣef usentel-a, yenna-aɣ-d yiwen n yilemẓi : « D wagi iwumu qqaren ‘’axxam sεiɣ nekk bezgeɣ’’, aman llan s zzyada meεna ur ten-nufi ara. Tura aql-aɣ nettaɣ-iten-id. D ayen yugi ad yeqqbel wallaɣ ». Ɣer taggara, ad nessiwed tiɣri n yimezdaɣ n tuddar i yessuturen deg uselway n tɣiwant, ad asen-d-yaf tifrat i uɣbel-agi.
K.K.