Ddurt iɛeddan i teldi s s wudem unṣib tmurt n Fransa tiwwura-is i Mass Issab Rebrab i wakken ad yessnerni asenfar-is. Issad rebrab d yiwen n umesbaɣur aqbayli n temnadt n Tgemmunt Ɛazzuz , i yesseftayen tadrimt-is di taɣulin yemxallafen, ama dagi di tmurt ama berra. Tikkelt-agi, yemlal d uselway n Fransa anda i as-yettunefk tesriḥ i usnerni n usenfar n usizdeg n waman i iluɣen s tarrayin timaynutin, assisdeg n waman n lebḥar akked wayen-nniḍen, di Charleville- Mézières di temnadt n Ardennes. Deg usenfar-a, ad yettwasefti wazal n 250 n yimelyunen n euros. Si tama n uselway n tmurt n Fransa, yenna-d d akken iɛjeb-as usenfar imi d ayen ara d-yawin azal n 1000 n yimekwan n uxeddim i yimezdaɣ n tama-agi, u ad ibedd ɣer tama n Rebreb deg usnerni yecban isenfaren am wigi. Akken ara yili, daɣen, d yiwen n usenfar ara yesbuɣren tamnadt-agi. Ad-nesmekti kan d akken takubbanit n Cevital teṭṭef amḍiq amenzwaru di tmurt n Lezzayer. Ma yella d anemhal-is Mass Issad rebrab, yeṭṭef amḍiq wiss 6 gar yiwudam imesbaɣuren di tefriqt , ɛla ḥsab n tesɣunt Forbes .
S. Y.