Accueil Tamazight Yeldi lwali kra n yisenfaren

Draε Lqayed : Yeldi lwali kra n yisenfaren

668
- PUBLICITÉ -

Am wakken yella yetturaǧu, yerza-d lwali n Bgayet, Mass Ḥmed Mεebbed, i tikkelt tis snat i Tdayra n Xeṛṛata. Ma yella tikkelt iεeddan, ibedd ɣef lecɣal deg Ɛecba, tikkelt-a, yella d inebgi n yiseɣ deg tɣiwant n Draε Lqayed ass n umhad yezrin, 8 di unbir. Ttiεad-a, d anemgal n win yezrin, imi yewwi-d yid-s aṭas n umaynut, d ubaɣur i temnaḍt-a s umata. Di temlilit n wass-n, ibedd lwali ɣef ddeqs n yimahilen, gar-asen temruzt tademlant n taddart n Ssnaḍla. Ad d-nesmekti d akken taddart-a, yella yekker deg-s ccwal ɣef temsalt n lgaz n temdint, d ayen i yeǧǧan lwali yefka-asen awal d akken ad d-dhun d temsalt-a deg wussan i d-iteddun. Rnu ɣef waya, yefka tasunḍa i wid teεna taluft akken ad reqqεen Axxam n yilemẓiyen n taddart-a. Seg tama tayeḍ, deg tɣiwant n Xeṛṛata, yefka-asen aserreḥ ad bdun aṣenfar n lebni deg umkan iwumu qqaṛen EPLF. Mebla ma nettu tuddar-nniḍen uɣur yerza, am tin n Lmencar. Deg taggara n wawal s tmuɣli n yimezdaɣ, tirza-a, tefka-d lɣella-s, akken i aɣ-d-yenna yiwen n yilemẓi: «Nessaram ad tgerrez liḥala n tɣiwant-nneɣ, imi asirem-nneɣ nekni s yilemẓiyen ad yelhu waddad n tuddar-nneɣ, ahat ad d-neffeɣ seg yiɣeblan i nettidir yal ass».

- PUBLICITÉ -

K. K.

- PUBLICITÉ -