Accueil Tamazight Yerkeb-iten lɣiḍ meqqren yinelmaden n tesdawit

TAMDA - Sdat n yir addad n uḥric n usiweḍ asdawan : Yerkeb-iten lɣiḍ meqqren yinelmaden n tesdawit

429
- PUBLICITÉ -

Deg tɣerɣart n usuter, ad naf d akken suturen yinelmaden awenneɛ n waddad n uḥric n usiweḍ asdawan, i d-yeggran deg yir addad.

- PUBLICITÉ -

Inelmaden n tesdawit n Tamda yetabaɛen ɣer tesdawit n Lmulud Mɛemmeri i izedɣen deg tɣiwanin yemgaraden ( Friḥa, Larebɛa n At Yiraten, Buzeggan, Iɛezzuggen, At Dwala, Buǧiima…atg) n ugerzu n Tizi Uzzu, medlen deg larebɛa iɛeddan, 28 deg unbir 2018, tiwwura n tenmehla n srabes n tesdawit. Aya, yella-d sdat n yir addad n uḥric n usiweḍ asdawan, i iweɛren nezzeh. Rnu ɣef waya, lexsaṣ meqqren n ttawilat n usiweḍ ɣer tɣiwanin n ugerzu n Tizi- Uzzu. Yerkeb-iten lɣiḍ meqqren yinelmaden-a, ayen i ten-yeǧǧan ad medlen tiwwura n tenmehla i d-yelhan s lecɣal n yinelmaden. Tella-d tigawt-a, dɣa, ɣef 8 n tsebḥit deg wuddem n yimḍebren-is. Deg tɣerɣart n usuter, ad naf d akken suturen yinelmaden awenneɛ n waddad n uḥric n usiweḍ asdawan, i d-yeggran deg yir addad. Ɣef wanect-a, yenna-d yiwen deg-sen :’’ ttawilat n usiweḍ yessawaḍen inelmaden ɣer tɣiwanin , ɛyan mliḥ mliḥ, ur sliḥen ara i usiweḍ, ladɣa ɣer tɣiwanin ibeɛden’’. Aɣbel n tacart n ttawilat n usiweḍ, yezmer ad yeglu s ibaxixen meqqren, ama ɣef yinelmaden neɣ ɣef yinehharen n ttawilat-agi. Ayen ikemmlen deg lɣiḍ n yinelmaden d asɛuẓzeg n tmeẓzuɣt n unemhal n lecɣal n tesdawil, ur d yarin ara acḥal aya ɣef wayen ssuturen yinelmaden.

Ali Zalouk

- PUBLICITÉ -