Accueil Tamazight Aheggi n wuṭṭun wis xemsa n tesɣunt Aselmad

I lmend n yennayer 2019/2969 : Aheggi n wuṭṭun wis xemsa n tesɣunt Aselmad

507
- PUBLICITÉ -

Iberreḥ-d yimḍebber i ibedden i lmendad n tesɣunt Aselmad, Mass Mhenna Halit, d akken aheggi i tesɣunt deg wuṭṭun-is wis semmus a-t-an deg ubrid. Tasɣunt n tikkelt-a, ad d-tili i lmend n yennayer 2969, ɣef waya i d-yefka azemz n beddu n uceyyeɛ n yiḍrisen ara yilin gar 25 unbir d 25 duǧember 2018. D tagnit i wid i ḥemmlen tira s tmaziɣt ad kkin s yiḍrisen-nsen. Deg yiwet n tama, mačči ala iselmaden i izemren ad kkin. Seg tama-nniḍen,ɣef wakken i d-yenna daɣen, tikkelt-a mačči ala s yiḍrisen n tsekla neɣ s tmucuha i yezmer umyaru ad yekki, maca ula d win yesɛan neɣ ixedmen timsirin n tmaziɣt s tarrayt ur nelli ara yakan, yezmer ad tent-iceyyeɛ. D tagnit, ama i yiselmaden ara yafen tallelt deg temsirin-a, ama i yinelmaden, ara d-iḥiwcen ayen iwumi sran. I win yebɣan ihi, yeggra-d kan, ad d-yazen ɣer usebter n Facebook “Tasɣunt Aselmad“ neɣ “Mehenna Firmus Halit”. Ahaw ihi, tasɣunt Aselamd la ken-tettraǧu, ad awen-teqqar cemmret i yiɣallen tarum. Sya ar yimir, afud igerrzen.

- PUBLICITÉ -

A. K.

- PUBLICITÉ -